Kasebyan, yang tukil nung ala yang laman
Mabyung ya’yti potang ing angin masikan;
King bie na ning tau makanyan mu naman
Nung insanu’ing ala yang tiktak kayabang.
Anti na mo pin ning mayangin a buntuk
A milalu labul potang yang mibugnus,
Deti, ila retang ausan dang paratut
A maki-oxygen king mingatbang bagyus.
King angin ninu na mo’ waring mekakit?
O sinabing ta’ne king gamat ayapis?
Yan, atyu king taung babangka dusuldit,
At king bulung dutung a keta papaid!
Inya nung maintun kang matahimik a bie,
Mangubwan na ka mu karin king marangle;
Waman ing angin ken masikan at pane
Malinis naman at tutung madalise!
