Home Opinion Nanu ing bage e na agawa ning Dios?

Nanu ing bage e
na agawa ning Dios?

865
0
SHARE

“Ingkong” nganing metung karing kakung Apu
Paniwalan yu ing linalang king yatu,
Ing Ya atin yang e balung gawan kano
“Nano” ngakung kaya masias mengamanu,
“Patugut ka bolang keng kasalbayan mu;
E me pakikiabe pati Apung Ginu”!

“Aba’ Ingkong, e ra ko pu mumulangan,
Ing kakung sinabi alang kasalbayan”;
“Paynawa ka Pudung, e mu ku paglokwan
“Ay Ingkong, kapilan da kayu milanga
Dindam ku mu yan keng dibati misan,
Nung inya aisip kung ngeni ikutang”!

“Lakwan mu ku Pudung, emu ku pakiabe
Keng salitang e mu ikakayap keng bie”
“Ingkong ing dindam ku tutu naman pu, eh”
“Nung ninung sinabi kalupa meng luse”;
“Ing sinabi kanian, Ingkong kumpare ye
Nung inia naman pu ya paniwalan ke”!

“Ingkong, maniwala tamung ing Dios Igpa
Yang king yatung iti ing linalang kusa,
Puera pa king tau at king sabla-sabla
A maliaring akit keti king masala;
Pero, agpang pin kang kumpare yung Tura
Atin pung memukud a e Na agawa!

At iti pu Ingkong, e ku balung sabian
Nung e mababasa karing kasulatan;
Pero aku agiang nan’ ku mang balakan
Paniwalan ku pung ing Dios a Miglalang
Atin Ya pin palang e na agyung gawan;
At iti, ya kabud: E BIASANG MAGLARAM!

LEAVE A REPLY

Please enter your comment!
Please enter your name here