Madalang lamang ang kagaya ni Oca
Sa nakararaming opisyal ng bansa
Kung ang punto ng ating magiging paksa
Ay hinggil sa araw riyan ng pag-gunita
Sa anumang mahalagang kaganapan,
Na naging bahagi na ng kasaysayan,
Gaya halimbawa ng nakasanayan
Niyang pagbigay ng papuri’t parangal
Sa mga bayani na nakipaglaban
Para sa kalayaan ng Inang Bayan,
Sa paraang naiiba at may saysay
Kaysa karaniwang ating nakagisnan.
Sa alin mang lugar kapag ginunita
Ang kapanganakan o pagpanaw kaya
Ng isang bayani, pagkat kakaiba nga
Sa puntong may puso ang kay Mayor Oca.
Pagkat hindi simpleng pag-gunita lamang
Sa naging papel ng kinauukulan,
Ang ipinupunla sa ‘ting kaisipan
Ng mga mensahe niyang binibitiwan.
Kundi pati na ang aral na iniwan
Ng bayaning nagbuwis ng kanyang buhay,
Mabawi lang n’yan ang mithing kalayaan
Mula sa kung sinumang banyagang kamay.
At di lamang mga bayaning pambansa
Ang may pitak sa puso ni Mayor Oca
Sa anumang uri riyan ng pag-gunita,
Kundi pati lokal na naging dakila
Na kagaya nitong mga Abad Santos,
Nicolasa Dayrit, Hizon at Hilarios;
At iba pang kahit hindi Fernandinos
Ay kasamang pinarangalang lubos.
At kung saan nitong a disinuebe lang
Ng buwan ng Junyo ay si Dr. Rizal
Ang binigyan ng marapat na parangal
Ni Mayor Rodriguez sa petsang naturan
Bilang pag-gunita sa pang-isang daan
At limampung taong araw ng pagsilang
Ng bayaning nagbuwis ng sariling buhay
Alang-alang sa kapakanan ng bayan.
At di karaniwan o simpleng okasyon
Ang ini-alay ng World Class City Mayor
Para kay Dr. Rizal nang araw na ‘yon
Kundi ng isang magarbong selebrasyon;
At imbitado ang lahat na ng sektor
Upang daluhan ang naturang okasyon
Kaya halos di mahulugang karayom
Ang ‘mini convention hall’ nitong ‘Heroes Hall’
Sa dami ng taong noon ay dumalo,
Na talaga namang ang iba siguro
Ay nagsi-upo na lang sa ‘flooring’ mismo
Hangang sa matapos ang programa rito.
At higit sa lahat, palibhasa’y bukal
Sa puso ni Mayor ang pagbibigay niyan
Ng papuri at karampatang parangal
Sa ganyang okasyon kahit kanino man
Ay talaga namang buhos ang suporta
Kay Oca Rodriguez ng halos lahat na,
Kung kaya posibleng anumang adyenda
Ng butihing Mayor ay tagumpay tuwina!
