Mahigit isang taon na ang nakaraan
Nitong abeinte tres ng buwang salukuyan
Mula nang maganap ang karumaldumal
Na krimeng sa tanang buong kasaysayan
Ng pulitika sa ating Inang bansa
Ay siyang natatanging pinakamalala,
Kung bilang ng buhay na nangapinsala
At ari-arian ang magiging paksa
Pagkat tunay namang di katanggap-tanggap
Sa normal na tao ang ginawa’t sukat
Ng hinihinalang nagplano at lahat
Nitong pag-masaker na kasindak-sindak
Kung saan animo’y kinatay na hayop
Ang kinahinatnan ng kalunus-lunos
Na bangkay ng mga biktima, matapos
Pagbabarilin pa n’yan nang walang taros!
At ang mas masakit, bago pa pinatay
Ang mga babae’y kanilang hinalay;
At maraming saksi ang nagpapatunay,
Na si Andal Jr itong nagpapatay.
Ngunit hanggang ngayon, bagama’t nadakip
Na ng otoridad ang posibleng ‘culprit,’
Pero hayan, itong ating ‘bar of justice’
Ang tila usad pagong sa paglilitis;
Bunsod ng aywan kung anong klasing gimik
O tuwirang sabi ay ‘delaying tactics’
Ng ilang ‘counsel’ na lubhang matitinik
Sa pagbaluktot ng tunay na matuwid.
Na kagaya nitong ibang abogado,
Na di namimili ng kung anong kaso;
Basta kumita lang – ke’ masamang tao
Ay ipagtatanggol nila sa husgado.
Kaya puntong yan, kahit malinaw na
Itong sina Andal ang ‘culprit’ talaga,
Ayon na rin sa testigong nakakita
Sa napaka-brutal na pagpaslang niya
Ay posible pa ring malusutan nito,
Dahil sa husay ng kanyang abogado;
At sa pagbili ng mga akusado
Sa ilang ‘witness’ na nakakita mismo.
Sa puntong yan wala ng pinakamagaling
Na nararapat siguro nating gawin,
Kundi ang isyung yan ay tutukan natin
Upang ang lahat ay mabigyan ng pansin.
At ‘fair and impartial justice’ nga talaga
Ang mangingibabaw sa ating hustisya,
At di komo itong suspek ay mapera
Ay kaya niyang bilhin ang lahat-lahat na.
Ipakita natin sa pamamagitan
Ng iisang tinig itong karaingan,
Ng kapamilya at mga kaibigan
Nitong inulila ng mga kriminal,
Na di nila kayang bilhin ng salapi
Ang ‘bar of justice’ ng ating Inang Lipi,
Pagkat kung tunay mang may masamang binhi
Ay mas marami ang ginto ang ugali.
Sa ‘ting mga Hukom, na di nabibili
Ng mga mapilak sa madaling sabi;
Bagama’t sa galing ng ilang ‘attorney,’
Ang itim ay puede nilang gawing berde.
Kaya’t sa puntong yan ay marapat lamang
Na tayo ay maging ‘vigilant,’ kabayan
Upang ang tunay na hustisya ang siyang
Mangibabaw para sa kasong naturan.
Nitong abeinte tres ng buwang salukuyan
Mula nang maganap ang karumaldumal
Na krimeng sa tanang buong kasaysayan
Ng pulitika sa ating Inang bansa
Ay siyang natatanging pinakamalala,
Kung bilang ng buhay na nangapinsala
At ari-arian ang magiging paksa
Pagkat tunay namang di katanggap-tanggap
Sa normal na tao ang ginawa’t sukat
Ng hinihinalang nagplano at lahat
Nitong pag-masaker na kasindak-sindak
Kung saan animo’y kinatay na hayop
Ang kinahinatnan ng kalunus-lunos
Na bangkay ng mga biktima, matapos
Pagbabarilin pa n’yan nang walang taros!
At ang mas masakit, bago pa pinatay
Ang mga babae’y kanilang hinalay;
At maraming saksi ang nagpapatunay,
Na si Andal Jr itong nagpapatay.
Ngunit hanggang ngayon, bagama’t nadakip
Na ng otoridad ang posibleng ‘culprit,’
Pero hayan, itong ating ‘bar of justice’
Ang tila usad pagong sa paglilitis;
Bunsod ng aywan kung anong klasing gimik
O tuwirang sabi ay ‘delaying tactics’
Ng ilang ‘counsel’ na lubhang matitinik
Sa pagbaluktot ng tunay na matuwid.
Na kagaya nitong ibang abogado,
Na di namimili ng kung anong kaso;
Basta kumita lang – ke’ masamang tao
Ay ipagtatanggol nila sa husgado.
Kaya puntong yan, kahit malinaw na
Itong sina Andal ang ‘culprit’ talaga,
Ayon na rin sa testigong nakakita
Sa napaka-brutal na pagpaslang niya
Ay posible pa ring malusutan nito,
Dahil sa husay ng kanyang abogado;
At sa pagbili ng mga akusado
Sa ilang ‘witness’ na nakakita mismo.
Sa puntong yan wala ng pinakamagaling
Na nararapat siguro nating gawin,
Kundi ang isyung yan ay tutukan natin
Upang ang lahat ay mabigyan ng pansin.
At ‘fair and impartial justice’ nga talaga
Ang mangingibabaw sa ating hustisya,
At di komo itong suspek ay mapera
Ay kaya niyang bilhin ang lahat-lahat na.
Ipakita natin sa pamamagitan
Ng iisang tinig itong karaingan,
Ng kapamilya at mga kaibigan
Nitong inulila ng mga kriminal,
Na di nila kayang bilhin ng salapi
Ang ‘bar of justice’ ng ating Inang Lipi,
Pagkat kung tunay mang may masamang binhi
Ay mas marami ang ginto ang ugali.
Sa ‘ting mga Hukom, na di nabibili
Ng mga mapilak sa madaling sabi;
Bagama’t sa galing ng ilang ‘attorney,’
Ang itim ay puede nilang gawing berde.
Kaya’t sa puntong yan ay marapat lamang
Na tayo ay maging ‘vigilant,’ kabayan
Upang ang tunay na hustisya ang siyang
Mangibabaw para sa kasong naturan.
