SUBIC, Zambales —Patay ang magkapatid na mangingisda makaraan silang masabugan ng dinamita sa Sitio Sampaloc, Barangay Cawag sa bayang ito kamakalawa ng umaga.
Kinilala ang mga nasawing sina Nestor Coralde at Jojo Coralde pawang mga residente ng Barangay Kinabiksan, Barangay Cawag.
Si Jojo Coralde ay binawian ng buhay sa hospital matapos ang may ilang oras na gamutan.
Ayon sa ulat sakay ng bangkang de-sagwan ang magkapatid sa kanilang pangingisda nang makakita ito ng kawan ng isda, kung kaya kaagad na sindihan ang dinamita, subalit hindi ito naihagis sa tubig at sa kanila ito sumabog.
Bago pa man naganap ang insidente, nagkaroon na ng pagpupulong ang Subic PNP, PNP Maritime, Coast Guard, Municipal Fisheries Aquatic Resource Management Council at iba pang concerned agencies at dito pinag-usapan kung paano sugpuin ang talamak na illegal fishing at ang paggamit ng dinamita sa bayan ng Subic.
