Ing Paku

    591
    0
    SHARE

    (The Fern)

    Metung yang Akasya a sadyang malagu
    Ing pemalenan na ning metung a Paku;
    Kekaban ning aldo nu’ melabung lalu
    At miniuling dakal iting menilas mu,
    Ya nang alang mebie linto nang lanubu,
    Angga king ikua nang mibalut a salu.

    Ing eneryang ibat king matabang gabun
    A pamangan ning mesabing pundutung,
    Yang sisipsipan na king bie nang maratun
    Niting liling Paku a keya migdatun;
    A e magpagal mang king kaya manintun,
    Milalabas ya’yti king bie nang maratun.

    Kalulung akasya a keta mamitbit
    King mesabing paku melabung aplit;
    Pilan mung panaun, king pautik-utik,
    Kalulung akasya ikua nang metiktik
    At mélangi pati sanga nang mesipit
    King kakangangat da king bie na, dusuldit!

    (King bie na ning tau makanyan mu naman,
    Ing sobrang ganaka matsura mu naman;
    Uling nung pane mu nang panupaya ngan,
    Pakabitasan mu… e mikabla, datang
    Nung ala kang segip, king palad pepakan
    Alang kumet keka bandang katataulian;

    Misan, nung insanu retang makisulut
    Ila pa keraklan ding masakim a lub;
    Liyus king ila ring manitinding lubus,
    Ika pang sintungan ing ngara pin kabud,
    Itang makibage king asala da’t kimut,
    Banting e kayu mu miras ketang maskup!

    June 30, 1999

    LEAVE A REPLY

    Please enter your comment!
    Please enter your name here