Mealang calma – mesambut, melupig,
Migcostas – meperwsiyu, memayad
Macapangablad – macalunus-lunus
Mecamenus – mecatipid, mecabawas
Arimuan – alibri, atawad, amenus
Paltakyuran – magalo buldit, malandi
Sasarapelpel – magaslo maglacad
Mapamaugi – mapamihag, mapamitag
Mapamandi – mapangua, mapangamcan
Mapamacalulu – mapaglunus, mapaniaup
Mengalasi – mengapirasung mangalati
Unabis – bitasang ala, e midinan agyang nanu mu
Penandit – potang bagya; Saguli – capamu
Camucat-mucat – biglaan, e piyadian, cabud namu
Silbayi – linoku, milangan, sinintang a pangababai
Tantus – taya, paki, dyebi, pacat, pusta
Pasintabi – makilabas, makisuyu, respetu
Istima – pamagsilbi, mayagang pamakirungut
Pabalat bunga – e laus lub a pamakirungut
Caputut asung – pandac a mataba
Laparan – ilualas; Laparan – tabacan (same
spelling but not the same meaning)
Pelugpug – belatbat (ning manuc a manaid sisi)
Simpulung –piyabe-abe, siclo mipamisan
Magcucutud – aswang; Dwende – tianac
Balbal buntuc – basagulu; Paud – sacle
Mesapito – mebarug, mepaldu
Kaing – tiklis; Idatuc – ilulan
Meket – mekinis; Mepulpuc – mepucpuc
Mecuyad – minurung; Melaslas – metastas
Gamit pambale – Igu, bitse, salicap (useful for
cleaning palay & rice or bigas)
Ulam – asan (ing aus da reng aliwang balen)
Mipaintagun – metung a bage e sasaryan
Asdac-asdac – magcacasakit mangisnawa
Sepingil – sirulan, kipacan, melingmingan
Lacuan-dasan – magdili-dili, alang catubale
Palbibewan – takiap a parti ring minunang
santungan ding ortlanu a nu’ bibewan da ing
pale ban maging abias a sisese ra oras-oras.
Pamakisamac – (pamaki-anib keng aguman
o nanu mang kimutan; Sasaup – gugusal)
Talipampan – alias, e tune lagyu; ban
Catatalacaran – obligasyun, gagampanan
Lepitpitan – berilan alang patanat
Migtombalibanta – mirsircu-sicu
Lege – linual, pepakit, alang lingad
Lisunan – dirutan, bislen (ing lugal)
Selusunan – dinakit, sinundu
Sirul king bulan – masulit mipaltutu
Matuang casebyan – Calap ning luse,
pamangan ning alang marine.
(Cabaldugan niti: pipagalan ning alang isip,
pengabiayan ning mapamiasa,
a ngara pin ding macatua,
taung sobra capal lupa)
(Atin ya pang casuglung)
