Aldaba – patucud awang; Garosa – panacut pale
Yalsa – ibuat; Isigi – ilapit – ilele ; Itonu – isunis
Icusad – igapang; Ipalto – ipakit; Catri – cama
Gala-gala – pamacat; Palabra – salita, amanu
Cagiwan – abilidad, discarte; Daclutan – damputan
Samalan – bilisan; Mebalam – meyatrasu
Laparan – ilualas; Lasacan – siran
Isunu – sugiran; Ipaglualu – campian
Saluac-sabi – gastarul; Mapalad – masuerte
Pindeo – torotot, lalaking pigtacsilan ning asawa
Magparalampu – magpacalunus
Maluca – pacacalulu, alang nanu mang bandi
Merunut – melaso, mengapirasu, mengatatal
Lacuas – mas, (melagu, mesanting, micualta)
Kitang – paniacap asan dacal a taga
Patucba – paniacap asan a inapanan tugac
Palwe – paniacap asan maki macabang tarac
Patustus – tugac ing apan a macatali keng dicut.
Dala – lambat a itsa palapad keng ilug o dayat
Salambo – sasaluc keng pampang ning ilug.
Luslus – munta Menila; Parakit – pasundu
Tinggal – leco, biclas; Kinunsinti – pepaburen
Kintalan – tatacan, marcahan; Alarin – asalese
Pagmairing – pagmaragul; Palyasa – lungcut
Palcaran – umisan, ibaba pangatau; Nada – ala
Awig – cawangis, alang keliwan keng istsura
Meging pisac ing bengi – sobra cadalumdum
Talindo – paninap king bie, panicuanan dasan
Tagimpan – paninap, imbut, nasa, buring malyari
Madacati – masambut, misapawan, madamusac
Alimbuyu – caguluan; Mataloto – milalu catas
Cabas ning paninap – alang casiguruan
Patingasngas – biglang panyatang, macasdan
Tacsyapo – (not an oral defamation, but a
simple tongue expression of some oldies).
Melapupuri – (instead of honorable that used to
address a dignified man after his death).
Mangalicsi – mangabilis kimut o e pate-pate
Paymawi – ibat mesakit a pacanan masustansya
Paralusdus – pagmayumu a singcapan bilo-bilo
Tagilo – burung bundalag; Balo-balo – burung paro
Pisawili – pepaburen; Ticusan – licuan
Delum – dimanda; Migpusitara – tinacas
Pemalaynan – (babaing casamburi ning lalaki
ban casal capamilatan ning paintulut ding pengari)
Dumara – mistulang itik a itsura (wild duck)
Curan – pipaglutuan nasi a gawa keng pila (clay)
Balanga – pipaglutuan ulam a gawa mu naman keng pila
Paldanuman – paglulanan danum a inuman.
Mapanarampas – mapanutang a e biasang mamayad
Mapamatacad – yalig king aliwang ing dapat gawan
Talausig – piscal; Huez – hukum, talahatol
Sanacan – carculan; Alwage – karpintero
Tabureti – luclucan; Dulang – lamesang atyu keng lapag
Linggitan – minunang uring plantsa (a e gagamitanan
carbun, uling o nanu mang bage para apalantsa,
nun’e mu parase caputut a tabla, a pagiling-giling.
(Atin ya pang casuglung)
