Mapanusga – mapaniangcan, mapanatul
Mascub a lub – mimua, menamdamam
Macasalumami – macasnuc, macariri
Mapagmata – mapagmaragul, mapagmatas
Salusad – panas; kwitib – malating panas
Tagasu – antic; balulungi – cobing-cobing
Calamunding – calamansi
Culumanas – bungang dicut cule ube
Catilpu – bungang dicut pamalas sulpit
Laparan – tabacan; ilualas – idagaul
Tumbasan – casing ulaga o alaga
Mapagpasulapo salita – mamaramdam
Mapagarimuan – matipid, marimut
Cacanan ing sariling tinga – sobra catipid
Maimut – masungit; dalaira – tsismosa
Macapacat a guglut keng dase – matamad
Alang taung keya matula – picacasaman a ugali
Baruc – casaup keng obra, utus-utusan
Alang atdu – taung alang matinu pamisip
Petrolyo – gas a pnanangab keng calang
Catucayu – calagyu; cayabe parati
Ugaling basan – mapamiasa, e biasang mamie
Todu pasa – sigi ing pamamie, alang control
Lucbati – tanaman a uring baging at gule
Panugse – tau at nanu mang bage alang silbi
Linual a buldit keng kulambu – makipaglalaki
Lucsu ning gaindung kambing, etc – manang ugali
Mapamatacad – yalig king aliwa ing dapat gawan
Supapi – sipsip, traydor, patatu, macapili
Matiribus – pakiramdam, pamisip
Tormentu – gulu pamisip, alang balung daptan
Lacuan dasan ning panaun – alang pamagbayu
Mamuangit – migagaligit, maybug manginis
Tampan me ing kanwan – misip cang banayad
Maligantang – gagaligatsu, sasamal
E miratun a lub – balisa pamisip[
Lalawigan – probinsya
Balayan – balen; barangay – barrio
‘Sentro de Pueblo’ – kabalenan
Sitio – ning maragul a barrio
Malasebu – malulut a bunga ning sampaluk
Tamarindu – minalmal a malulut a bunga niti
Ensalada – pagmayumu a singcapan asucal
iting tamarindung capad daring dacal.
A nu’ I Ingkkong ku inyang mabie ya pa,
agyang tamarindu mu ken ing ulam na,
neng abac asana ne rugu keng cagana
a panambula nang keng nasi canita.
Ing ausan dang cucul o caya penotsa
metung la clasi ren a pagmayumu ra
indat bayu minum, potang mau na la
ping danum a siklu keng ilug canita.
(Pero wayni agyang keng giripu ibat
poso artesyano, den e ra na capad
inuman uli ning agyang e marinat,
‘mineral water’ na ken ngeni ing sicat!
(Atin ya pang casuglung)
