Nitong nakaraang araw lang ng Biernes,
Isang ‘good friend’ ko ang sa akin ay nagtext
At ang pagkasabi sa akin “Tang Felix,
Napasok ng ‘hacker’ ang iyong email address”
Imbes sagutin ko ang text na padala
Ng nag-message sa’kin tinawagan ko siya
Upang ora mismo malaman sa kanya
Kung ano ang ‘scam’ na tinutukoy niya
Na diumano ay ginawa nga ng ‘hacker’
Sa ‘email address’ ko na aniya’y posibleng
Na-hacked ng iba ang ‘unsigned-out’ kong email
Kung nag-‘log in’ ako sa ibang ‘computer’.
“Baka iniwanan n’yo (aniya) ng bukas
Ang ginamit ninyong computer sa labas,
Kaya napasok ng hacker na nagpanggap
Na siya ay kayo – kung kaya maluwag
Na nakapag-post nga agad sa internet
Itong kunwari ay nawala ang ticket,
Pera, passport saka iba pang papeles,
Kung kaya nagawa nito ang mag-‘message’
Sa ‘account’ ko para humingi ika nga
Ng tulong sa aking kaututang-dila,
Kamag-anak saka ‘friends’ sa ibang bansa
Na posibleng sa ‘message’ ay makabasa.
Mabuti na lamang at dadalawa lang
Ang sa ‘message sent’ ko bale lumilitaw
Na napadalhan niya – pero buti na lang
Ito ay parehong “Failure Notice’ lamang
Ang sinulat nitong message sa internet,
Na kung saan nasa Cyprus daw ang lintek?
‘Attending certain conference at the moment,
But had just lost his bag and personal effects’
He’s seeking financial assistance from good friends,
Relatives, some colleagues and whom it may concern,
Telling them that he will pay back what they could send,
As soon as he returned for home soon or later.
Aywan ko lamang kung ilang indibidual
Ang nakuhang itext nitong ‘hacker’ na yan,
Kasi ‘deleted’ na nang aking mabuksan
Ang ‘sent items’ sa computer ko sa bahay
Liban sa dalawa na parehong ‘Failure
Notice’ – na tiyakang di natanggap nitong
Sina Alma Canlas at isa pang taong
Ang email ay kristendaig@gmail.com.
At baka isa sa mga nakatanggap
Ng message, si Irwin Nucum kung kaya nga’t
Bilang kaibigan inalerto agad
Si ‘yours truly’ para magpalit kaagad
Ng ‘password’ upang di na muling mapasok
Ng mga ‘hackers’ ang personal kong account,
(Kung saan pati “Contacts” buradong lubos
At ang ‘sent items’ ko ay halos maubos)
Sapagkat posibleng nabura ng lintek
Na ‘hacker’ itong iba pang email address,
Dahilan na rin sa posibleng ‘grave mistake’
Na nagawa sa kahahanap ng ‘prospects’.
Sana sa lahat ay magsilbing babala
Ang ganyan upang di basta maniwala,
Sakali’t sila ay makatanggap bigla
Ng message na aywan kung ito’y totoo nga!
