SAN NARCISO, Zambales- Kalaboso ang sinapit ng isang lalaki matapos itong mahulihan ng baril sa loob ng videoke bar sa Barangay San Juan sa bayang ito.
Kinilala ni Chief Inspector Nelson Dela Cruz, hepe pulisya, ang suspek na si Charlito Romualdo, 57, residente ng Sitio Coyacoy, Barangay Patrocinio, San Narciso. Ayon sa ulat, isang tawag ang natanggap ng pulisya makaraan makitaan ng baril ang suspek na nakasukbit sa baywang at umanoy ipinagmamayabang sa loob ng naturang videoke bar.
Sa isinagawang ‘Oplan Bakal’ ng pulisya nakuha sa pag-iingat ng suspek ang isang homemade paltik na shotgun at apat na bala. Ang suspek ay detinido sa San Narciso Police Station at ipinagharap na sa kasong Illegal possession of firearms and ammunition at paglabag sa Omnibus Election Code.
