Ngening nung wari sa king mapaling sabo
Merimla na’ing isyu keng pamipalako
King pekamatas a makalukluk babo,
Merimla pati na ring ken gugulasio!
Uling mekad nanan de mang kalampagan
King aldo-aldo gewa ning Dios a Miglalang,
Y Gob Ed Panlilio e na pikabiang man
Ing egana-ganang posible rang gawan;
Ding keyang kasalang keng pamangubyernu
Bilang gobernador keti kekatamu,
Pablasang balu nang ing keya yang ustu
King agiang nung misan, yang mali siguru.
At ken la menasa anting mipanintun
Busbus o mali na ning metung at metung
Pablasang ing balang grupo ren o paksyon
Posibleng atin lang aliwang intension;
Atyu na ken itang nia buri reng kuldas
Ilang bisang lukluk o kaya miangat
King katungkulan ding aliwang gagagad
Maging gobernador king aldo ning bukas.
At iti e binang malaut maliari
Karing atyu na ken king Capitol ngeni;
Partikular na ing kekatamung Bise
At ding aliwa pang sasamal parati.
A nung surian tamung banayad itinan
Balamu ala nang aliwang paralan
Karing aliwa ken ba’riang apalitan
Y Gob Ed Panlilio ngening salukuyan.
E ku buring sabian ning talasuyu yu,
Salang ya keng Recall laban kang Panlilio
Nune buri mi mu makatipid tamu
King medyu magastus a klasing prosesu;
Alus mag-adua neng banua keng biling yan
Y Amung Ed king keyang pamanungkulan
Inia nanu’t e ta’ pa rugu panayan
Mapuspus ganap ing mapilan nang bulan?
At kaibat, kanita ta’ne pu isubung
Ing ninu mang buri tang’ libe kang Amung;
(Kesa king ngeni ta’ sasamal keng Recall
Panayan ta’na ing tutuking eleksyon!)
Male tamu e ne magnasang tagal pa
Bilang gobernador keti king Pampanga;
Inia apihu tang’ ila na kanita
Ding gagagad ngeni ding mikontra-kontra!
(Uli ning iti yang meging kalakaran
Ning pamipalukluk karing manungkulan?
Magumpisa babo angga kalalaman,
A masulit na’tang ilako itinan!)
Antining posibleng ing Recall Election
A nasang isulung na ning oposisyon
Anti nang merimla’t magkulang panahun,
Wayni’ing asabi mi anti mo pung mirun:
Marimla namu ring anting busbus arung
Ning metung a pusa ing ken gagaleung
Ding magnasang pakuldasan de y Amung,
Panayan tana ing 2010 election!
Merimla na’ing isyu keng pamipalako
King pekamatas a makalukluk babo,
Merimla pati na ring ken gugulasio!
Uling mekad nanan de mang kalampagan
King aldo-aldo gewa ning Dios a Miglalang,
Y Gob Ed Panlilio e na pikabiang man
Ing egana-ganang posible rang gawan;
Ding keyang kasalang keng pamangubyernu
Bilang gobernador keti kekatamu,
Pablasang balu nang ing keya yang ustu
King agiang nung misan, yang mali siguru.
At ken la menasa anting mipanintun
Busbus o mali na ning metung at metung
Pablasang ing balang grupo ren o paksyon
Posibleng atin lang aliwang intension;
Atyu na ken itang nia buri reng kuldas
Ilang bisang lukluk o kaya miangat
King katungkulan ding aliwang gagagad
Maging gobernador king aldo ning bukas.
At iti e binang malaut maliari
Karing atyu na ken king Capitol ngeni;
Partikular na ing kekatamung Bise
At ding aliwa pang sasamal parati.
A nung surian tamung banayad itinan
Balamu ala nang aliwang paralan
Karing aliwa ken ba’riang apalitan
Y Gob Ed Panlilio ngening salukuyan.
E ku buring sabian ning talasuyu yu,
Salang ya keng Recall laban kang Panlilio
Nune buri mi mu makatipid tamu
King medyu magastus a klasing prosesu;
Alus mag-adua neng banua keng biling yan
Y Amung Ed king keyang pamanungkulan
Inia nanu’t e ta’ pa rugu panayan
Mapuspus ganap ing mapilan nang bulan?
At kaibat, kanita ta’ne pu isubung
Ing ninu mang buri tang’ libe kang Amung;
(Kesa king ngeni ta’ sasamal keng Recall
Panayan ta’na ing tutuking eleksyon!)
Male tamu e ne magnasang tagal pa
Bilang gobernador keti king Pampanga;
Inia apihu tang’ ila na kanita
Ding gagagad ngeni ding mikontra-kontra!
(Uli ning iti yang meging kalakaran
Ning pamipalukluk karing manungkulan?
Magumpisa babo angga kalalaman,
A masulit na’tang ilako itinan!)
Antining posibleng ing Recall Election
A nasang isulung na ning oposisyon
Anti nang merimla’t magkulang panahun,
Wayni’ing asabi mi anti mo pung mirun:
Marimla namu ring anting busbus arung
Ning metung a pusa ing ken gagaleung
Ding magnasang pakuldasan de y Amung,
Panayan tana ing 2010 election!
