Inyang 2016 a tagal ya’y Bongbong
bilang ‘vice president’ nang Miriam Depensor,
atin king Comelec ken a migreklamung
ing iti atin yang kasong ‘tax evasions’?.
At metung man alang kinontra kanita
ban sabatan de’yti keng pamanagal na
bilang ‘vice president,’ at ngening tagal ya
para presidente – minuran intriga?
King i BBM pin e malyaring tagal
agyang keng nanu mung puestung pang-opisyal
ngarang magsalita ring ngeni sasamal
apakansela re ing ‘C.O.C. na nyan.
E ku buring sabyan obat makanyan la
rening kang BBM aplit ken kokontra,
pero kamang-mangan rugu ing balu ra,
a papalto reting i Bongbong marok ya.
Ining amanuan da a ‘moral turpitude’
kang Ferdinand Jr. da reti bububus
ding magbiasa ken, asne king kalaut
nung suryan banayad uling e makatud.
Pagpalage tanang yan kasung mabayat
o kasung kriminal a makapanglad,
obat nyang tagal yang bise, e re sebat
dening ngeni aplit de iting lalaglag?
At nanan da namu ing kayang C.O.C.
apa- ‘disqualify’ de ken ding pro Leni
ampon aliwa pang katunggali niti
uli na ning pihung sambuta no’ reti.
Posibleng metung ya i Rowena Guanzon
ning Comelec karing ken gagaligatsung
ma-‘null & void’ ya ing C.O.C. nang Bongbong
uling ning posibling miambunan yang ‘tong’?
At saka obat pin inyang king probinsya
ning lugal nang beytan, tagal ya kanita
bilang gobernador sebat da ne sana
i Marcos Jr. nung yan mapanekas ya?
At dapat ngaku pin nyang tagal ya namang
senador, kanita pa sebat da ne yan?
At e anti ngening iti nung kapilan
ya mekapag-‘file’ a papil a kailangan;
Karin de’ing Comelec alisuasan aplit
ban ipabasura C.O.C. ing migit
mas kualipikadung king puestu ikabit
antining biasa ya’t e basta payraig.
E king pangampanya ke’y senador Bongbong
laban karing mangatikdi tang’ senador
ayantimo’y i Paquiao at Panfilo Lcason;
Yorme ning Menila, tagal lang burarul.
Uling ngeni pamu, keng ‘survey’ i Lakay
ing manimuna ken, inya nung diretsan
ing maging pulayi na ken ning alalan,
sitenta porsyento kaya mipamisan.
Yan nung e magbayu ing maging pulayi
ning ngeni a nu’ pin i Bongbong ing buri
ding mas dakal inya asabi tang matni,
i Apo Lakay ken ing pihung magwagi,
Puera mu nung iti, apa- ‘disqualify’ re
ding ngeni aplit ken apa- ‘null and void’ de
ing kayang C.O.C., inya pamagbante
seryosu kang Lakay, sukat iyantabe!
