NA LUBHANG mababa ang kualipikasyon
Na nasasaad sa Omnibus Code ngayon,
Kaya naman kahit na sinong amuyong
Ay ‘qualified’ kahit sa anong posisyon.
Kung kaya pati na posibleng may topak
Ay maluwag na makapaghain agad
Ng C.O.C. nila bunsod nitong batas
Na basta’t marunong magbasa’t sumulat
Ay ‘qualified’ na at puede nang humabol
Sa kahit na anong ‘elective position;’
Kung kaya dapat na po natin sigurong
Amyendahan o baguhin ang parteng ‘yon.
Sa kasalukuyang batas sa eleksyon
Na mababa na nga at hindi naa-ayon
Sa makabuluhan at napapanahong
Isyu na di dapat hayaang ganoon.
Na animo’y larong pambata na lamang
Sa ibang tao r’yan ang kahalagaan
Ng eleksyon natin sa kasalukuyan,
Kaya marapat na nating masusugan.
Tama po bang basta’t marunong magsulat
At magkapagbasa’y tanggap na kaagad,
Kahit Presidente pa ng Pilipinas
Ang ninanais na takbuhin at sukat?
Sana naman, depende sa kakayahan
O ika nga’y antas ng pinag-aralan;
Kung ang natapos ay elementarya lang,
Di dapat lalampas sa Kagawad lamang.
Kung nakapagtapos man lang ng high school
Ay puede na kahit ‘Board Member’ o Mayor;
Pero Congressman o para Gobernador,
Kung di man ‘bar passers, college graduate’ ngayon.
At di tulad nitong mga nakaraan,
Na kahit ang iba ay nag-‘high school’lang
At wala naman din yatang katangian
Kundi sikat lang at mapera ang ilan
Ay naging Governor at nag-Senador pa;
Kaya hayan pati si Pacman gumaya;
At kahit ‘boxing’ lang ang ‘expertise’ niya
Ay nakisawsaw na rin sa pulitika.
Sana naman sa posisyong mas mataas,
Gaya ng sa Pangulo ng Pilipinas,
Ay huag naman nating isali at sukat
Itong ang turnilyo ay tila maluwag;
Na kagaya nitong nagpamalas mandin
Ng inaakalang pambihirang galing;
Anong silbi n’yan kung boses lang ng kambing
At tilaok ng manok ang kayang gawin? .
Mabuting pangulo at hindi panggulo
Ang dapat maupo sa ating Palasyo,
O sa alin pa mang sangay ng gobyerno;
At di sirkero o kaya komikero.
Para magkaroon naman ng dignidad
O matatawag nating kredibilidad
Ang ating eleksyon sa lahat ng antas,
Sa kapakanan ng bansang Pilipinas!
Na nasasaad sa Omnibus Code ngayon,
Kaya naman kahit na sinong amuyong
Ay ‘qualified’ kahit sa anong posisyon.
Kung kaya pati na posibleng may topak
Ay maluwag na makapaghain agad
Ng C.O.C. nila bunsod nitong batas
Na basta’t marunong magbasa’t sumulat
Ay ‘qualified’ na at puede nang humabol
Sa kahit na anong ‘elective position;’
Kung kaya dapat na po natin sigurong
Amyendahan o baguhin ang parteng ‘yon.
Sa kasalukuyang batas sa eleksyon
Na mababa na nga at hindi naa-ayon
Sa makabuluhan at napapanahong
Isyu na di dapat hayaang ganoon.
Na animo’y larong pambata na lamang
Sa ibang tao r’yan ang kahalagaan
Ng eleksyon natin sa kasalukuyan,
Kaya marapat na nating masusugan.
Tama po bang basta’t marunong magsulat
At magkapagbasa’y tanggap na kaagad,
Kahit Presidente pa ng Pilipinas
Ang ninanais na takbuhin at sukat?
Sana naman, depende sa kakayahan
O ika nga’y antas ng pinag-aralan;
Kung ang natapos ay elementarya lang,
Di dapat lalampas sa Kagawad lamang.
Kung nakapagtapos man lang ng high school
Ay puede na kahit ‘Board Member’ o Mayor;
Pero Congressman o para Gobernador,
Kung di man ‘bar passers, college graduate’ ngayon.
At di tulad nitong mga nakaraan,
Na kahit ang iba ay nag-‘high school’lang
At wala naman din yatang katangian
Kundi sikat lang at mapera ang ilan
Ay naging Governor at nag-Senador pa;
Kaya hayan pati si Pacman gumaya;
At kahit ‘boxing’ lang ang ‘expertise’ niya
Ay nakisawsaw na rin sa pulitika.
Sana naman sa posisyong mas mataas,
Gaya ng sa Pangulo ng Pilipinas,
Ay huag naman nating isali at sukat
Itong ang turnilyo ay tila maluwag;
Na kagaya nitong nagpamalas mandin
Ng inaakalang pambihirang galing;
Anong silbi n’yan kung boses lang ng kambing
At tilaok ng manok ang kayang gawin? .
Mabuting pangulo at hindi panggulo
Ang dapat maupo sa ating Palasyo,
O sa alin pa mang sangay ng gobyerno;
At di sirkero o kaya komikero.
Para magkaroon naman ng dignidad
O matatawag nating kredibilidad
Ang ating eleksyon sa lahat ng antas,
Sa kapakanan ng bansang Pilipinas!
