Ngayong kahit saan mang dako ng bansa,
Partikular na sa kalakhang Maynila,
Ay di maikakaila ang paglobong bigla
Ng kriminilidad… gaya halimbawa
Ng ‘carjacking,’ at kung saan ang biktima
Ay walang awa ring pinapatay nila
Matapos agawin ang sasakyan niya,
Mahalagang gamit at salaping dala
At iba pang krimen na patuloy pa ring
Nagaganap sa kapaligiran natin,
Tulad ng panghohol-dap sa malalaking
Grocery, bangko at mga PUV rin;
Kung saan kailan lang ay isang matanda
Ang namatay nang siya ay tumalong bigla
Sa sinasakyan nang sila’y holdapin nga
Sanhi ng takot at saka pagkabigla.
Liban sa iba pang araw-araw na lang
Ay laman lagi ng mga pahayagan,
At kung saan ang kapural kadalasan
Ng panghoholdap ay pulis pa kung minsan.
O kung di man pulis ay itong madalas
Magpakilala sa gawang panghulidap
Ay otoridad kung sila’y magpanggap,
Kaya nagagawa niyan ng walang hirap
Ang harangin basta ang kahit na sino
Sa kung anong klaseng gimik o estilo
Gaya kung ito ay ‘check point’ diumano,
Kaya natural lang hihintuhan nito.
At dito na sisimulang molestahin
Ng mga hayupak na kampon ng dilim
Ang biktima hanggang sapilitang kunin
Nila ang kotse n’yan matapos patayin!
Sa puntong yan liban sa muling ibalik
Ng pamahalaan o ng ‘Court of Justice’
Ang parusang bitay diyan sa Bilibid,
‘Never’ na ang krimen ay basta liliit.
O mababawasan ang pagsirit tuwina
Ng kriminalidad dahilan na rin sa
Mahatulan man ng ‘life sentence’ kumbaga
Ang isang salarin ay di mangangamba
Na makulong yan ng matagal sa Munti,
Sanhi na rin nitong ya’y napakadali
Din namang sa Laya makabalik muli
Basta’t may sapat siyang hawak na salapi.
Kung saan gaano man sila kasama
At isinusuka na halos ng madla,
Nang dahil sa sila ay may kasangga nga
Na maimpluwensya – lahat bale wala!
At paglabas n’yan sa kulungan, posibleng
Higit pa sa dating pagiging salarin
At asal hayop na masamang gawain
Ay pamuli’t-muli pa rin n’yang gagawin!
Kasi, nang dahil sa kawalan ng takot
Sa batas nitong wala na rin yatang Diyos,
Yan animo’y pumatay lang ng manok
Sa biktima oras na ito’y pumiyok.
Pero kung bitay ang pinaka-capital
Na parusa, saka ‘no bail for heinous crimes,’
Ya’y makagawa pa ba ng kahayupan
Hanggang sa ito ay tuluyang mabitay?!
