“Kaganapan 2017 City Fair”

    99
    0
    SHARE

    KAUGNE ning pamagmasusi ning siyudad
    ning San Fernando keng ‘yearly’ magaganap
    ausan deting “Kaganapan,” e mu ditak
    ing ken ngeni sidya reting aktibidad

    A makaparikil king mialiwang adle
    ning manang kultura’t gelingan dang tagle
    ding Kapampangan keng katutubung arte,
    a nung nu’ kabilang pati na ing Cine

    Karing malyari tang’ libring apanalben
    king sadyang istasyun tamu keti ning tren,
    at nu’ puera karing aliwang pang piyalben
    a malyari tamu namang ayalben ken

    Umpisang a tres ya, bulan ning Pebrero
    king mesabing lugal (arap Kapitolyu)
    ating ‘Kalesa Tour’, a nung bisa kayu
    namang sake karen libri, alang danyu.

    O libri mu naman, matulid a sabi
    nung inya pihu lang makusuelu pati
    ding anak ampo ring karelang pengari
    a ilibut na ning kutsero king ‘city’.

    Ing ‘showing of Kapampangan fi lms’ marapat
    itang bandang alas kuatru (4:00 p.m), nung inyasa’t
    karing bisang malbe aku nang managkat,
    e tamu paytauli king tikda rang oras.

    Bandang alas sais o katuki niting
    Apanalben tamu a ‘Kapampangan fi lms,’
    ding ‘Dos Palikeros’ at Ara Muna ring
    salising mag-‘perform’ a tiktak king galing.

    Pebrero a kuatru manibat king abak
    angga king mabengi, e mu naman ditak
    a piyalben ing keni akit tang’ marapat,
    ating ‘Fireworks display, Kapampangan Band Night’.

    Ating ‘Art exhibit’ at ‘Free Kalesa Tours,
    Kite –Making Workshop’ nang Isagani Cajulao;
    At ken ita muring bandang gatpanapun,
    “Cine Kabalen” ya murin ing kaduang ‘round.’

    Itang asingku ya ing mesabing bulan,
    bandang alas 8:00 ning abak umpisan
    ing ‘Pet Show;’ at bandang alas 9:00 naman,
    ‘Art exhibit’ saka ‘Workshop’ nang Harvey San

    Keng ‘Basic Sketching’ (at ‘Free Kalesa Tours’)
    king ‘Heritage District’ anggang gatpanapun;
    ‘Cine Kabalen’ ya murin ing tauling ‘round’
    Agpang king Timun ning mesabing okasyun

    A panimunan na ning asna kasipag
    ‘Tourism offi cer’ ning bantug a siyudad,
    Ms. Ching Pangilinan a tune matapat
    King keyang tungkulan ibat pa king ibat.

    Dakal pang aliwang e ku na binggitan
    ban ding makitatag adinan kung lugal
    ing para karela, lalu na kang Chairman
    Robbie Hizon na ning ngeni “Kaganapan”.

    Antimurin naman ken kang Mayor EdSa,
    kari Konsehal BJ Lagman; Harvey Quiwa,
    ampon karing aliwang opisyales pa,
    babie kung masampat a puge karela.

    At sana pin iting ngeni makatakda
    a pamagmasusi king mesabing paksa,
    lubus magluid ampon maging masaplala,
    migit pa king sadya a kipmuan king saya.

    Kapamilatan ning pamisasanmetung
    ding anggang bibilug king mayap a layun,
    a kalupa niting pawang ikasulung
    ning San Fernando ing parasan ding Timun!

    LEAVE A REPLY

    Please enter your comment!
    Please enter your name here