LUNGSOD NG CABANATUAN — Kalaboso ngayon ang isang walang hanapbuhay na lalaki matapos mahulihan ng baril at mga bala sa Barangay Pinagpanaan, Talavera, Nueva Ecija bandang alas 10:40 ng gabi nitong Mi- yerkules, Agosto 14.
Ang suspek na na-kilalang si Alberto Mudlong, 56, residente ng nasabing lugar ay nahaharap ngayon sa kasong paglabag sa Republic Act 10591 o Comprehensive Law on Firearms and Ammunitions.
Ayon kay Police Lt. Col. Alexie Desamito, hepe ng Talavera police station, nakuha mula sa pag-iingat ni Mudlong ang isang .45 pistola, mga bala at balisong.
Isinagawa ang pa- ghahalughog sa bahay ni Mudlong sa bisa ng search warrant na ipinalabas ng Regional Trial Court, ayon kay Desamito.
Isinailalim na sa inquest proceedings sa Nueva Ecija provincial prosecutor’s office ang suspek at kasalakuyang nakakulong sa detention facility ng Talavera PNP, ayon sa opisyal.
