King agiang katlu neng besis ini bali
Karing sinulat ku king bage mesabi,
Ipaintulut yu pu ing isugsug ku ini
Bilang karagdagan inggil pu kaniti.
Mekapangalkal ya karing makalele
Kasulatan ining kabalen yung tune,
A nu’ na malino abasa, alawe
Ing tungkul king keyang minunang siglawe.
Kamumulan palang meging gubernador,
Ing lagyu niti Mariano Alimurung;
Pero bista’t atlu yang bulan king tungkul
Inabe re karing tinalan posisyon;
A nu’ ing lagyu na malino misulat
King istorya na ning beitan nang labuad;
Bilang pun probinsya – waman na’karitak,
Ing panaun a nu’ migsilbi ya’t sukat;
Antimurin naman y Eligio Lagman
A meging governor mung apat a bulan,
Baket den atilu keng kasalesayan
At makayabe la karing menungkulan;
Bilang gubernador keti king Pampanga
Bista’t kumpara kang Cicer ilang Edna,
Mas makuyad dili ing pangalukluk da
Di Alimurung at Lagman keng bili ra?
Dakal la pa’t kabud mu petsa ning banua
Ing makabili keng pamanungkulan da,
Inia e ta’ balung sabian nung pabanua
O pabulan mu ing panga-posisyon na,
Ning metung at metung karening aliwa,
A’yalang malino bulan at/o kaya
Nung nanung petsa ya king puesto migmula,
Uling alang malino rekord bitasa.
Male tamu nung ding mapilan kareni
E la man migluat keng pangalukluk deti;
O kaya anti la mu ping mig-OIC
Pero oren makalto la lagyu ngeni.
(At kayabe karing mapuri nang anak
Ning lalawigan tang’ ibat pa king ibat,
Yang meging sale na ning gintung paninap
Ding king upaya ring daywan e sinuklab!)
E king kukuestyunan tamu a nung bakit
Asabi ko’ lagyu ding aduang mebanggit
Kayabe la karing meging opisyales
A maki-litratu’t ngeni pakasabit;
Ken king balkonahe na ning Kapitolyu,
(Kaibat nong’ inayus Rafael Maniago),
Nune buri ku mung ipalto kekayu
Ing metung a bage melimbato pihu!
Kalupa namo pin ning kakung asabi
Dane kalibutnan ning kolum kung ini,
Makasiguru tang’ king keraklan deti
Alang mig-“caretaker” mu o mig-OIC?
Inia banting alang lunto argabiadu,
E kaya masampat ampon maka-ustu,
Ing den yabe ta’ la banting mikumpletu
Ing kasalesayan ning probinsya tamu?
Alangan naman ing oras nang gigulan
Cicer king Capitol mibie king pelitan?
Antimurin y Edna, e makatuliran –
Mibie kang Lito ing oras nang liklukan!
Karing sinulat ku king bage mesabi,
Ipaintulut yu pu ing isugsug ku ini
Bilang karagdagan inggil pu kaniti.
Mekapangalkal ya karing makalele
Kasulatan ining kabalen yung tune,
A nu’ na malino abasa, alawe
Ing tungkul king keyang minunang siglawe.
Kamumulan palang meging gubernador,
Ing lagyu niti Mariano Alimurung;
Pero bista’t atlu yang bulan king tungkul
Inabe re karing tinalan posisyon;
A nu’ ing lagyu na malino misulat
King istorya na ning beitan nang labuad;
Bilang pun probinsya – waman na’karitak,
Ing panaun a nu’ migsilbi ya’t sukat;
Antimurin naman y Eligio Lagman
A meging governor mung apat a bulan,
Baket den atilu keng kasalesayan
At makayabe la karing menungkulan;
Bilang gubernador keti king Pampanga
Bista’t kumpara kang Cicer ilang Edna,
Mas makuyad dili ing pangalukluk da
Di Alimurung at Lagman keng bili ra?
Dakal la pa’t kabud mu petsa ning banua
Ing makabili keng pamanungkulan da,
Inia e ta’ balung sabian nung pabanua
O pabulan mu ing panga-posisyon na,
Ning metung at metung karening aliwa,
A’yalang malino bulan at/o kaya
Nung nanung petsa ya king puesto migmula,
Uling alang malino rekord bitasa.
Male tamu nung ding mapilan kareni
E la man migluat keng pangalukluk deti;
O kaya anti la mu ping mig-OIC
Pero oren makalto la lagyu ngeni.
(At kayabe karing mapuri nang anak
Ning lalawigan tang’ ibat pa king ibat,
Yang meging sale na ning gintung paninap
Ding king upaya ring daywan e sinuklab!)
E king kukuestyunan tamu a nung bakit
Asabi ko’ lagyu ding aduang mebanggit
Kayabe la karing meging opisyales
A maki-litratu’t ngeni pakasabit;
Ken king balkonahe na ning Kapitolyu,
(Kaibat nong’ inayus Rafael Maniago),
Nune buri ku mung ipalto kekayu
Ing metung a bage melimbato pihu!
Kalupa namo pin ning kakung asabi
Dane kalibutnan ning kolum kung ini,
Makasiguru tang’ king keraklan deti
Alang mig-“caretaker” mu o mig-OIC?
Inia banting alang lunto argabiadu,
E kaya masampat ampon maka-ustu,
Ing den yabe ta’ la banting mikumpletu
Ing kasalesayan ning probinsya tamu?
Alangan naman ing oras nang gigulan
Cicer king Capitol mibie king pelitan?
Antimurin y Edna, e makatuliran –
Mibie kang Lito ing oras nang liklukan!