Kaugne ning banuaan a pamagmsui ning lalawigan king ALDO NING AMANUNG SISUAN, a mararapat balang tauling Biernes ning Agosto lalam dang pamangasiwa ring bibilug king “Provincial Language Council,” busten yung ampanganan da kayu karing mangalagung kawatasan a sinulat ding aliwa pang poeta at talasulat ning probinsya banting upayang akilala ta’ la at layun abasa pamisan-misan ding karelang mangalagung poesia, bilang dake reti keng pamangambul at pamipalabung king arte at kalinangan Kapampangan. Antimurin, gkatan na lang magpadala ning kekong talisuyu ding aliwa pang poeta ning probinsya karing gawa ra banting kapamilatan niting kolumn tamu akua rang milimbag ding karela para king masaya tang’ pamamasa. Malyari yong’ ipadala kapamilatan ning koreo kang FELIX M. GARCIA, c/o City Mayor’s Office or/at City Tourism Office, City of San Fernando, Pampanga.
Neng Mhar V. Garcia
Keng pamamasada nang tricycle Pisuk
misan, atyempuan na ing atin na kabud
Berilan da lele istasyu na ning bus
a nuya manayang sake pasaherus.
Malino ikit na king itang biktima
beril de, bistaman eno akilala
Ding salarin o ring suspek a ausdan da,
uling deti pawa lang maka-maskara.
At uling y Pisuk, ya mupin ing bukud
malyaring talakad antimong testigus,
Yamung king istasyun ding pulis meyaus
ban pangutnan inggil king mesabing ambush.
Pablasang ngeni na pa rugu denasan
ing me-imbistigang alang kasalanan,
Kinapak ya baba ampon manigalgal
kabang kalmanti ing keya mangutang.
“Ikit mu talaga inyang barilan de?”
ngana ning Hepe king sabing malumeme,
“Opu sir, ikit kung asna kasalese,
oneng eko balu retang mekamate.”
“Pero nung nanu ya kalibri ing baril
a pekamate ra kaya ring salarin,
Mapalyaring ikit mia mu naman nandin
nung nanu itsura o klasi marahil?”
“Ikit ke pin pu Tsip, pero e ke balu
nung nanu klasi o pikabaluan lagyu;
Makanyan man balu ku nemang ituldu
nung atin kayu ken a kalupa na pu”
Pepakua yang Baby Armalite ing Hepe
at kang Pisuk, iting baril pepakit ne;
“E ya pu makanyan” ngana naman niti,
makuyad yamu pu… kayalkus yang siete.”
“Forty five caliber ya?” ngana niting Tsip
kagnan ning kinua ne at saka pepakit
kang Pisuk ing baril ning metung a pulis;
“Siguru pu” ngana – dapot penanandit:
“Ay sir, agyang nanan keng sipatan ata
ing ikit ku medyu maragul yang bagya;
At keng pamalak ku masalang-masala…
Forty six yang pihu!!!” ngana niting bigla.
Neng Mhar V. Garcia
Keng pamamasada nang tricycle Pisuk
misan, atyempuan na ing atin na kabud
Berilan da lele istasyu na ning bus
a nuya manayang sake pasaherus.
Malino ikit na king itang biktima
beril de, bistaman eno akilala
Ding salarin o ring suspek a ausdan da,
uling deti pawa lang maka-maskara.
At uling y Pisuk, ya mupin ing bukud
malyaring talakad antimong testigus,
Yamung king istasyun ding pulis meyaus
ban pangutnan inggil king mesabing ambush.
Pablasang ngeni na pa rugu denasan
ing me-imbistigang alang kasalanan,
Kinapak ya baba ampon manigalgal
kabang kalmanti ing keya mangutang.
“Ikit mu talaga inyang barilan de?”
ngana ning Hepe king sabing malumeme,
“Opu sir, ikit kung asna kasalese,
oneng eko balu retang mekamate.”
“Pero nung nanu ya kalibri ing baril
a pekamate ra kaya ring salarin,
Mapalyaring ikit mia mu naman nandin
nung nanu itsura o klasi marahil?”
“Ikit ke pin pu Tsip, pero e ke balu
nung nanu klasi o pikabaluan lagyu;
Makanyan man balu ku nemang ituldu
nung atin kayu ken a kalupa na pu”
Pepakua yang Baby Armalite ing Hepe
at kang Pisuk, iting baril pepakit ne;
“E ya pu makanyan” ngana naman niti,
makuyad yamu pu… kayalkus yang siete.”
“Forty five caliber ya?” ngana niting Tsip
kagnan ning kinua ne at saka pepakit
kang Pisuk ing baril ning metung a pulis;
“Siguru pu” ngana – dapot penanandit:
“Ay sir, agyang nanan keng sipatan ata
ing ikit ku medyu maragul yang bagya;
At keng pamalak ku masalang-masala…
Forty six yang pihu!!!” ngana niting bigla.
