Home Headlines Ing Sermun nang Ingkong

Ing Sermun nang Ingkong

400
0
SHARE

Nung ngeni pamu pilit babayutuk
Ing kuayan a binang mataram na sususuk,
Yan king pamalak mung agawa meng paud
Emu ne apande king buri mung alkus;
Nung iti pilitan me pang ibayutuk
Angga mu pin king yan mabunglu ya kabud.

Pero kasebyan pin nung kabang mura ya
Yan painut-inut meng ayung-yung keta;
Agawa meng paud, parase garosa,
O nanu mang buri mung maging alkus na;
At  iti malyaring maging gabe me pa
Panyatang ning aldo a magtukud na ka.

Anti mu rin naman king meto’ penganak
A e miyung-yung king ugaling masampat,
Yan uli ning kian ne mepande, miyanad,
Ing kararasan na king aldo ning bukas
Pandung yang matuling a e ikakayap,
Ning e megambul king asal a masampat.

Inya mikalma ka, ika a miyung-yung
King mayap at ikua rang ken misalilung
Ding anino reti a nu’ ika mismung
Tinanam, akua mu nang ken mekad lutung
Keng pangabilad mu kilub patingapun,
Nung yang asahan da a maging dalungdung

Inya ika ngeni, a peka asyas na
Kwenta ning bibu mung sariling pamilya,
Iyubug mo keng  mayap ding suli ban keta
E la malili keng sukat baltangan da;
At den e la dagul – a nu’pin bala ra’
Ing yatu balamu marok ne talaga.

At nu’ing akakit deting pamibiebie
Ngening  salukuyan, iti yanang tune
Kalakaran a nu’ ring alang  marine
Ilang mangibabo – ing Ginu, ala ne!?
Itamu ing karing anak ta’ magbante
Ban e malili king baltangan dang bie!~

 

LEAVE A REPLY

Please enter your comment!
Please enter your name here