KARUGTONG NG SINUNDANG ISYU)
OKEY LANG sana kung sila ay pumayag
Na hindi ko muna babayaran lahat,
At pagbalik – sabay sa araw ng ‘check up’
Ibigay ang kulang o magiging ‘balance’
Pero hindi naman sila tumatanggap
Ng ‘promissory note’ ayon sa pahayag
Mismo nitong may pagkukulang na staff,
Kaya kung di ako nagpigil, at agad
Naisip ilapit yan sa otoridad
O pulis ng nakasasakop na siyudad
Para mamagitan upang di lumawak
Ang umiinit nang aming pag-uusap
Nitong nasa ‘billing section’ ng ospital,
Na anhin ko man yatang paliwanagan
Ay baka humantong yan sa maa-anghang
Na salitang hindi gawa ng nag-aral.
Nang di n’yan masakyan ang kadahilanan
Kung bakit di puede gayong may paraan
Na makalabas sa naturang ospital
Lalo pa’t noon ay December 31
At holiday bukas, kaya nananabik
Na makauwi ang anak kong maysakit
Upang sama-sama kami sa pagsapit
Ng Bagong Taon sa aming munting langit.
Kaya nga kung hindi kami papayagan
Na makalabas n’ung December 31,
Nang dahilan lang sa naging kapalpakan
Ng kanilang staff… na sila rin naman
Ang puno’t dulo ng ganyang pangyayari
Posibleng pati na ang CEO pati
O ang Director mismo ng Makabali,
Ay nalapitan ko upang di tumindi
Ang hindi namin pagka-kaintindihan
Sa ninanais kong aminin sa’kin niyan
Na sila talaga ang may pagkukulang
Kung kaya humantong sa puntong naturan.
Buti na lang para pala sa isang doctor
Na si Cabantog ang bill na inihabol;
Kaya tinawagan ko nang oras na iyon
Upang matapos na ang aming diskusyon
At pumayag naman si Dr. Cabantog
Na pagbalik na lang saka ko iabot
Sa kanya ang ‘balance’ total di pa tapos
Itong sa anak ko kanyang panggagamot.
Sa pangkalahatan lalo’t sa Medical
Na serbisyo nitong nasabing ospital,
Sila ay tunay din namang maasahan
Pagkat masisipag at mababait yan
At ang tangi lang na di ko mapupuri
Ay itong kung sinong nurse na naka-duty
Ang dapat maglagay ng label sa bote
Ng ‘specimen’ ng kanilang pasyente
Na pinadadala sa laboratory
Ng Mt. Carmel para ipasuri pati;
Dahilan sa naging biktima rin kami
Ng kapalpakan n’yan sa tuwirang sabi;
Pagkat di tinanggap dito sa Mt. Carmel
Itong dala-dala naming ‘specimen’
Na dapat suriin dahil walang ‘label’
Ang garapa… kaya ‘twice’ kaming nag-travel
Nang pabalik-balik para lamang dalhin
Ang specimen na kailangang suriin;
Kung si ‘yours truly’ ang ating tatanungin
‘Hospital staff’ ang marapat sisihin!!!
