Gaano ligtas kainin ang produktong pagkaing
    sa ibang bansa galing?

    410
    0
    SHARE

    Hayan, matapos ang isyu ng melamine
    Na napabalitang sa Tsina nanggaling
    Ang maraming brand ng produktong pagkaing
    Kontaminado n’yan, kay Sam naman galing,

    Itong diumano’y isa ring imported
    Na produktong gawa sa United States;
    Gaya nitong pampa-laman sa ‘tasty bread’
    Na mabibili sa mga Supermarkets;

    Partikular na riyan itong ‘peanut butter’
    Na ayon sa BFAD ay naglalaman din
    Ng kung anong bagay na aywan lang natin
    Kung ilan na ang apektado dito sa ‘tin;

    Nitong kung tawagin nila’y ‘salmonella,’
    Na nakalalason ding uring bakterya,
    Na posibleng kontaminado anila
    Ang ‘peanut butter’ na galing Amerika;

    At ang iba pa r’yang produktong pagkain
    Na diumano ay kay Uncle Sam din galing,
    Na ngayo’y lubusan ng pinatitigil
    Ang pagbebenta n’yan sa consumers natin!

    Pero kagaya n’yang posibleng marami
    Na ang biktima ng produktong nasabi,
    Kanino natin yan maaring isisi
    Kundi sa kung alin d’yang ‘concerned agency?

    Partikular na r’yan itong ating BFAD
    Na siyang ika nga ay mangalaga dapat
    Sa ganitong bagay na di natin sukat
    Akalaing nakamamatay ang sangkap!

    N’ung una kung saan lintik na melamine
    Ang muntik nang umubos sa lipi natin,
    Pero ang ‘source’ nito o kung saan galing
    Ay ni hindi kinastigo dito sa ‘tin.

    Kaya, haya’t pati itong kay Uncle Sam
    Na di natin akalaing mayrun palang
    ‘Pamatay’ sa ating mga kababayan
    Ay nakapasok nang hindi namalayan;
     
    Ng ating gobyerno o nitong nasabing
    Ahensyang marapat na sumubaybay din
    Sa ano pa man d’yang produktong pagkain
    Na ipinapasok ng ‘suppliers’ natin.

    Nang sa gayon bago po tayo madedbol
    Sa produkto nilang posibleng may lason
    Ay maagapan na nati’t ma-‘monitor’
    Ang kung anuman d’yang panindang patapon!

    Malay natin, baka tayo’y unti-unting
    Nilalason sa kung anumang pagkain
    Ng Tsina o nitong Amerika na rin
    Upang ang Pinas ay muling alipinin?

    Dito ko ninanais akusahan po r’yan
    Na tayo’y patraidor nilang pinapatay,
    Kundi ang atin ay haka-haka lamang
    Sa kung anong ating posibleng hantungan.

    Kaya, kung mayroong marapat tumingin
    At mangalaga sa kaligtasan natin,
    Partikular na sa produktong pagkain
    Ay dili’t iba r’yan itong BFAD na rin.

    At di tulad nitong kung kailan posibleng
    Milyones na ang biktima dito sa ‘tin,
    Saka pa lang kikilos ang magagaling
    Na lingkod ng bayan kung ating ituring!

    LEAVE A REPLY

    Please enter your comment!
    Please enter your name here