SOBRA KAAGA pa para pag-usapan
ang halalan, pero sa kadahilanang
di pa man ay mayrun nang nagpaparamdam
na tatakbo yan at ang balak labanan
Sa pagka-city Dad ay ang Mayor ngayon
ng Angeles, at kung saan ay Senador
sa kasalukuyan itong may intesyon
na sasabak sa susunod na eleksyon
(Kay EdPam) pagsapit ng ‘year 2016’
sakalit siya ay mag-reelect pa rin,
Ngayon pa lamang ay masasabi nating
baka sa kakungan niya ang pupulutin
Ang inaakalang kasing dali noon
ng kanyang pagtakbo diyan sa Capitol
(Ng Pampanga) pagkat nang panahong iyon
ay sikat pa siya bilang isang actor.
At itinuturing na “Bida ng Masa”
dahilan na rin sa katangian niya
sa pangangabayo at paglambitin sa
helicopter kaya’t hanga ang balana.
At dahil na rin sa kanyang katanyagan,
siya ay hindi rin lubhang nahirapan
na maipanalo ang sariling laban
nang kumandidato bilang Senador yan.
Pero sa susunod, aywan lamang natin
kung siya’y pamuli pang tatangkilikin,
ng mga ‘fans’ niya at Kabalen natin
matapos ang ilang mga matitinding
Negatibong isyu na ipinupukol
sa panahon ng kanyang administrasyon
bilang ‘provincial Dad – na kung saan noon
ay lubhang mababa ang ‘quarry collection’
At ang hinala na baka ibinulsa
lamang marahil ng administrasyon niya
ang dapat ay pera ng ating probinsya,
yan ay di malayong nangyari talaga;
Pagkat nang maupo ang ‘priest-turned-governor’
ay biglang lumaki ‘and it turns in millions
of pesos’ ang naging arawang koleksyon,
kumpara sa dating ‘monthly’ na yan noon.
At lalong lumobo o biglang lumaki
nang palitan si Among ni “Nanay Baby,”
Kaya nga’t kung wala milagrong nangyari,
Bakit naging ‘millions’ nitong bandang huli?
Sabihin na nating walang kinalaman
ang ating butihing ‘roaming politician,’
Siya ay di ‘excuse’ sa kahit anumang
Baho sa panahon ng panunungkulan.
Kaya para siya ay muling tumakbo
Para sa anumang posisyon, siguro
Ya’y di na pupuedeng muling mananalo
Partikular na sa tinatarget nito.
Na tinitiyak kong dadaan sa butas
ng karayom kapag siya ay nanganghas
humabol upang ang ngayon ay city Dad
nitong Angeles ay kanyang mapabagsak.
Dala na nga nitong nasubukan na siya
kung anong nagawa niya sa Pampanga;
(Aywan lang nang siya ay mag-Senador na
kung may naipasang batas kahit isa).
Manapa, kung tayo itong tatanungin
ay higit na maka-bubuti marahil,
Sa bayan ng Porac na nito tangkaing
humabol ‘as Mayor comes year 2016’!
