EdPam laban sa isang ‘bale-wala?’

    187
    0
    SHARE
    Kung si Leon Guerrero lamang marahil
    Ang irereto ng kampo ni Lazatin
    Laban kay Pamintuan ‘comes year 2016
    National & local election’ po natin

    Sa pagka-Alkalde ng Angeles city;
    Yan ngayon pa lang ay ating masasabi,
    Na itong ‘actor-turned-senator’ di puede
    Nilang maging asset sa nais mangyari

    Ni dating Congressman Carmelo Lazatin
    Na makuha nilang si EdPam talunin
    Sa pagiging city Dad nitong nasabing
    Lungsod kung si Lapid lang ang mamanukin

    Pagkat maliban sa ika nga’y laos na
    Bilang ‘public servant’ ang dating artista,
    Diyan sa Angeles di ‘welcome’ lalo na
    Ang di Angeleño (sa sukatan nila)

    Na makahawak ng anumang posisyon
    Partikular itong hindi ‘natural-born’
    Sa naturang siyudad, dahil mula’t sapol
    Ang kalakarang yan ‘practice’ pa rin ngayon.

    Kaya anong tsansa ni Leon Guerrero,
    Na mahalal siya bilang mayor dito,
    Ngayong kahit siya pala’y rehistrado
    Ngunit hindi taal siyang taga-rito;

    Ay saan kukunin ang botong kailangan
    Para ipanalo ang kanilang laban
    Kung hindi rin naman siya ihahalal
    Ng taga Angeles sa puntong naturan?

    Tama at posibleng ihahalal siya
    Ng mga ‘registered voters’ na tulad niya
    Na dayuhan din sa Angeles, Pampanga
    Pero gaano ang bilang n’yan kumbaga?

    Kaya kung akala ni Senador Lapid
    Ay may iba pang sa kanya tatangkilik
    Na taga Angeles sa pagpupumilit
    Niyang makisawsaw sa ‘local politics’

    Ng nasabing lungsod maliban kay Tarzan,
    Na di malayong kay Mayor Ed Pamintuan
    Ay may tampo lang ang butihing Congressman,
    Kaya naisip ang ganitong paraan

    Na inaakalang pinakamabuting
    Istratehiya upang kanyang pabagsakin
    Si EdPam sa kanyang hawak na tungkulin,
    Na di niya makayang ito ay higitin

    ‘During his terms of office as City Mayor,’
    Kung kaya nga’t ang ‘non-performing Senator’
    Ang itinutulak niyang ilaban ngayon
    Kay EdPam? (na isang ‘World Class City Mayor’)

    Kaya tama lang si Mayor Ed Pamintuan
    Sa kanyang sinabi (na di pagyayabang,)
    Na ‘Nobody’ pa raw sa kasalukuyan
    Ang posibleng mabigat na makalaban;

    Lalo pa’t ngayong ang ‘Nepomuceno clan’
    Ay tila sa kampo na ni Ed Pamintuan
    Makiling kumbaga sa kadahilanang
    Sila ay wala nang ibang maasahan,

    ‘Comes year 2016’ kundi EdPam pa rin
    Kahit sa ngayon ay ayaw pang magbitiw
    Ng ‘closing remark’ si Mayor EdPam hinggil
    Sa napipinto o eleksyong darating.

    Pagkat aniya’y lubha pang napaka-aga
    Para pag-usapan daw ang pulitika,
    Kundi ang dapat ay magtrabaho muna;
    (Na siyang nararapat gawin ng lahat na!)

    LEAVE A REPLY

    Please enter your comment!
    Please enter your name here