nitong dating Kalihim ng Katarungan,
na naging Senador at tumayo bilang
Chair of Senate Justice Committee kailan lang
Kung saan ang una at bale fi rst hearing
na dininig sa committee ay ang hinggil
sa pagtestigo ng isang bukod tanging
witness na kalap lang ni Madam marahil
Upang idiin si Pangulong Duterte
Sa ‘extra judicial killings’ na nangyari
Bago pa man ito naging Presidente,
(O nang siya pa ang Mayor ng Davao City)
Kaya lang sanhi ng animo’y nilubid
na buhangin lang sa naturang pagdinig
ang kusang loob na ikinantang pilit,
lumabas tuloy na sintunadong awit.
Dala na rin nitong ang kanyang testigo
ay halatang hindi nagsasabi ito
ng totoo kundi nang pawang imbento
para lang siraan yata ang Pangulo.
At mapaniwala n’yan ang taongbayan
na si Duterte ay likas na kriminal?
Kaya anhin na lang marahil ni Madam
sa katungkulan ng isa’y ipatanggal!
Ngayong ang situasyon nagkontra-barata
laban sa mahangin nating Senadora,
(Sa sabing colloquial ‘patay kang bata ka,’
pagkat siya itong magkakaproblema).
Sa kadahilanang imbes si Duterte
ang napatalsik niya bilang Presidente,
Siya ang pinalayas sa Senate Committee
on Justice bilang Chair sa madaling sabi.
At di basta simpleng kaso ang kailangang
sagutin nito sa Senate o Ombudsman
sakalit ang kasong kinakaharap n’yan
ay ma-elevate sa marapat paglagyan.
Di ba’t kahihiyan na napakalaki
para sa ‘ting dating Justice Secretary
ang masampahan ng ganito katindi
at kagrabeng kaso na kriminal pati?
Gayong si De Lima kung paka-isipin
ang unang marapat sa ganyang tumingin
bilang case offi cer, fi scal at pagiging
mambabatas pa manding maituturing.
Sana di mangyaring gayahin ng bigla
ni LDL itong AFP Chief (yata,)
na nagbaril sa sarili n’yan ng kusa
nang wala ng mukhang iharap sa madla.
At hindi matanggap sa kanyang sarili
ang pagkapahiya niya ng matindi,
na di na makayang sarilinin pati
ang situasyong labis na ipinagsisi.
Pero aywan lang kung makayang gayahin
ng nakararami sa gobyerno natin
itong sa sarili nila ay magbaril,
sakali’t masangkot sa ganyang gawain.
Kaya kayong mga walang kabusugan
sa gawang di patas at makatarungan,
Maglubay na kayo’t ihintong lubusan
ang anumang bisyong di dapat tularan!
