IPAGPATAWAD ni Vice President Roxas
kay ‘yours truly’ kung sa ating isusulat
Na ‘views & opinions’ hinggil sa pahayag
Niyang ang Pangulo ay mabigyan dapat
Ng isa pang ‘term of offi ce’ sa Palasyo
upang tapusin ang nasimulan nito
na napakaganda raw na pagbabago?
Yan sa ganang amin ay hindi totoo.
Sapagkat kung tayo itong tatanungin,
ni isang araw lang ay ayaw na nating
bigyan ng ‘extension’ sa kanyang tungkulin
ang pangulo dala ng taglay niyang galing
At labag sa batas ang hirit ni Roxas,
dahilan na rin sa ‘six years’ lamang dapat
maupo nang walang palugit ni oras
ang sinuman kahit ibigin ng lahat.
Ito pa bang tulad niyang pati Supreme Court
ay direktang gustong hawakan sa buntot
ang nais hihingi ni Vice ng pahintulot
para makahabol muli pagkatapos
Ng ‘terms of offi ce’ nyan ‘comes June 2016’
sa dating puesto niya bilang Pangulo rin,
gayong hindi naman din lingid sa atin
ang kapalpakan niya sa kanyang tungkulin?
Anong pumasok sa utak ni Kuya Mar
at naisip nito ang diskarteng ganyan,
na maliban pa sa ‘unconstitutional’
ay kabaligtaran ng “Tuwid na Daan?”
At para magawa ang naturang bagay
ay ‘charter change’ dapat at/o amyendahan,
ang saligang batas na sila rin naman
ang gumawa at yan ay gustong palitan?
Ngayong hawak nila ang nakararami
sa Congress at Senate na pawang matindi;
(At nagtulak upang mapatalsik pati
si dating Chief Justice Corona sa SC?)
Pero di ba’t si Mar ang “standard-bearer”
dapat ng Liberal sa pagka-President
pagbaba ni PNoy – ano’t ngayon si Sir
ay tila gusto na niyang i-surrender
Ang ambisyon niya na maging Pangulo
kapalit ni Benigno Simeon Aquino,
kung kaya nga’t imbes ang sarili mismo
ang ilakad para makapalit nito
Ay kung ano nga ang bigla niyang naisip
na isulong gayong ang talagang nais
ni Mar Roxas noong una’y makapanhik
sa Palasyo bilang ‘The Chief Executive’
Aywan lamang baka napagkuro-kuro
ni Mar sa sarili na siya’y mabibigo
sa ambisyon kaya naisip isuko
ang hangarin niyang ganap na napako.
Dala ng pangambang wala siyang panalo
ngayong ang ‘ratings’ niya’y bumaba ng husto,
kung saan ika nga kahit na siguro
pambarangay lang ay tiyak matatalo?
Kung kaya nga imbes ang dating ambisyon
na maging Pangulo ang kanyang isulong
ay si PNoy itong nais niyang isubong
sa mali at labag sa’ting Konstitusyon?!
