Kontrabida ang labas ni Dennis nang magsalita siyang tinanggihan niya si Jenneylyn sa isang project.
Ayon sa kanya, institictive reaction daw yung nagsalita siya dahil nakarating nga sa kanya na tinanggihan siya ni Jennylyn. Sa pagkakaalam daw kasi ni Dennis, wala naman talagang proyektong inoper sa kanila ng dating katipan.
Medyo nagsisisi nga si Dennis sa binitiwan niyang statement dahil mayabang ang naging dating niya.
Kulang na lang talaga ay sabihin niyang minahal naman niya si Jen noong sila pa rin. Ayon sa kanya, mapagmahal daw talaga siyang tao.
Mapagmahal pala siyang boyfriend, pero bakit laging nauuwi sa wala ang pakikipagrelasyon niya?
“A, hindi ko alam,” medyo natawang sabi ng aktor.
“Minsan talaga merong mga pagkakataon na hindi talaga uubra yung mga relasyon.
“Sa umpisa, akala mo okey. Pero siyempre as you go along the way, merong mga pagsubok na mangyayari.
”And sa tingin ko, yung mga pagsubok na yun, yun din ang naging cause ng breakup.
Ganun talaga yung buhay, e. Siguro trial and error hanggang makilala mo talaga yung tamang babae para sa ‘yo.”
Si Jennylyn Mercado ang huling nakarelasyon ni Dennis.
Mula nang maghiwalay ang dalawa ay hindi pa ulit pumapasok sa isang serious relationship si Dennis. Samantalang si Jennylyn naman ay nali-link ngayon sa TV host-actor na si Luis Manzano.
Hindi kaya na-trauma na siya sa pakikipagrelasyon?
“Na-trauma? Ayoko namang sabihing na-trauma,” sagot ni Dennis.
”Gusto ko lang munang magpahinga dahil parang… medyo hindi rin maganda yung mga nangyari.
“Kaya minabuti kong maging tahimik, maging masaya muna for a while. And i-enjoy ko muna yung oras ko para sa sarili ko.”
