NGAYONG napipintong tuluyang mawalan
ng ‘pork barrel’ o ng PDAF si Congressman;
At ang Senate pati na rin Malakanyang,
may susunod pa ba na matatangalan?
Ng biyayang siksik, liglig, umaapaw
na pasimple at malayang nananakaw
ng nakararami – at napapalitaw
nilang sa proyektong pambayan nalusaw;
Pero ang totoo ay sa bulsa lamang
pala ng maraming buwayang kati riyan
napunta at sukat ang kuwarta ng bayan;
At di sa proyektong dapat pagkalagyan!?
At kung saan yan ay madaling nagawa
nitong mga ubod ng kapal ang mukha
sa pamamagitan na rin nitong kapwa
nilang limatik at sanay na mandaya
Na ni kahit walang proyektong natapos
para sa salapi nilang nakurakot,
Ito ay maluwag na napapalusot
nilang ‘fi nished project’ sa kanilang report
Pero nang siyasatin ito’y maliwanag
na napatunayang ‘ghost project’ ang dapat
sana ay tapos na nga ayon sa ulat
na isinumite ng naging kasabuwat.
Sakali’t mayroon man base sa ‘ocular
inspection’ ng ating kinuukulan,
Pero poste lang at baku-bakong daan
ang maliwanag na kanilang dinatnan
Kung ito ay isang multi-purpose bulding
at kung kalsada yan – ito’y “rough borad pa rin;
Kaya malinaw na masasabi nating
ya’y “graft & corruption” nang maituturing
O sa simpleng sabi ay maliwanag pa
sa sikat ng araw – na ang opisyal na
marapat tumingi at mag-sertipika,
na ya’y “fi nished project,” kakutsaba nila.
Bagama’t posibleng walang kinalaman
Ang mga Senador natin at Congressman
Sa mga bogus na proyektong naturan
Ay may marapat din yatang panagutan.
At yan ang pagiging pabaya kumbaga
sa tungkuling dapat harapin sa tuwina,
Ano’t ang “pork barrel” o PDAF nila
ay di bantayan kung saan dinadala?
At anong ‘offi cial capacity’ nitong
si Ms. Napoles at nagawa ang gayong
maituturing na grabeng pandarambong
sa kaban ng bayan – na di lamang milyon
Kundi maliwanag na ‘billions of pesos’
itong sa Congress at Senate nakurakot
nitong si Napoles at iba pang sangkot
Sa ‘pork barrel scam’ na biglang nag-‘oink-oink’
At ang kahantungan ay posibleng tiyak
na kanselasyon ng kaukulang PDAF
para sa Senadores at Kongresistas,
kasama na pati si PNoy, (kung payag?)
Dahilan na rin sa pati bagong salta
sa Senate at Congress, damay din kumbaga
sa di mabibigyan nitong PDAP nila
Gayong sa ‘nakawan’ di sila kasama?!
