Dabu, e na lumuat, muna yang mapaldak

    4147
    0
    SHARE

    E pa makalukluk bilang Governor
    Ing kontrobersyal a Pari king Capitol,
    Abalitan ta’na king y Vice Gov.Yeng Guiao
    Medyu mepika ne yata pu kang Among;

    Inggil king buri nang iliban ing bidding
    Ning government project a pignasan niting
    Kalukluk na ya nang talan king mesabing
    Proyekto agia mang yan kang Lapid pa pin;

    At ining Guiao ya ing tune mangaintulid
    Magpa-bid kaniti, uling ining Lapid,
    A sukat talan keng bidding a mebanggit,
    Kabud nia tiwagan at e na migbalik!

    Iniang masambut ya laban kari Lilia
    At Ed Panlilio keng alalan kanita;
    A nung nu’ ing proyektung akalakuanan na
    Ning Mark yang mitsa na ning pamibungil da.

    Uling e pa dapat makialam ing metung
    King nanu mang bage atyu king Capitol,
    A e na pa dapat pakialaman Among
    Uling y Lapid kanita’ing Governor.

    Partikular na pin ing “subject for bidding,”
    Uling king bage yan y Yeng Guiao pa murin
    Ing bali Governor (at e mu pin “acting”)
    Iniang king Capitol tiwagan da na pin;

    Di Mark Lapid at ding keyang alipores
    Ing obligasyon da king Governor’s Office;
    At ining Bise na yang kwenta sumagip
    King likuan nang obra a sukat ipa-“bid”. 

    Inia keng puntong yan a puro intriga,
    Ing umpisa na ning pamanungkulan da,
    Angga na king mapupus ing terminu ra
    E mo apiyabe masampat keng obra.

    Idagdag ta’ pa ing e re ngan kasundu
    Ding keraklan king Capitol y Miss Dabu,
    O, kapilan la pa kaya salese rugu
    Ing kalakaran ken a e na metinu?

    Tabalu mu at nung bakit akakua nang
    Akmulan niti ing ta’re pamalmuran
    Dening alus e ra ne pepatugutan
    King kelan na ngara yatang pakiramdam! 

    At ing tuturu ra a meging sangkan na
    Ning pangalako ra simpatya karela,
    Ya’ytang y Dabu balamu ninu na ya,
    Ken king Kapitolyu, ya pang kalukluk da.

    At yang maliliari buri king Capitol
    O mas mayupaya pa kesa kang Among;
    Nung inia king uli ning Administrador
    Ing sabla miras king masaklap a Recall?
     
    Tabalu mu ngening e mu atlung kasu
    Ing balak isampa laban kang Miss Dabu,
    Nung e ya pa kusang mabating keng puestu
    A nu’ iti e ya man pu kumpirmadu.

    Nung nu’ bukud pa’ta king keyang posisyon
    Bilang Public Attorney’t Administrator,
    Lalto king ya pa ing pinuestu nang Among
    Karing mialiwa pang ahensya Capitol.

    A nung nu’ agpang keng “ruling” ning CSC
    Labag keng batas ing anggang mepaliari,
    Inia burian da man ing ken manatili,
    Bilang Superstars, mapaldak nong’ pilmi!

    LEAVE A REPLY

    Please enter your comment!
    Please enter your name here