MALAKI ang paggalang kina Coco Martin at manager niyang si Biboy Arboleda ng inyong lingkod, ganun din ng ilang kapatid sa hanapbuhay.
Kaya hindi namin isinulat noon ang katotohanan na naisiwalat sa “The Buzz” noong Linggo. Nabanggit kasi ni Coco, ganun din ni Biboy noon na nag-aalaala sila sa magiging epekto ng DNA test sa batang pinalaki pala ng inang aktres sa kasinungalingan.
Negative ang result ng test at hindi anak ni Coco ang bata. “Hiniling ko noon na sana’y ibigay na lang sa akin ang bata, pagka’t ayokong maranasan niya ang pinagdaanan ko. Galing din ako sa broken family. Ang kaibahan lang, hindi kami mag-asawa ng mommy niya at wala kaming relasyon, kundi magkaibigan lamang.
“Bata pa ako noon, hindi pa sikat. Estudyante lang ako at kung ano man meron ako, ibinibigay ko sa kanila bilang tulong. Hindi ako nagkulang. Hindi totoo ang mga sinabi ng mommy niya laban sa akin. Hindi ko pinagdududahan ang bata. Naniwala ako sa sinabi niya na ako ang ama ng isinilang niya.
“Nang magsimula akong kumita nang malaki-laki, dinala ng lola niya ang bata sa shooting ko. Nagkaroon kami ng pagkakataon ng bata na makapag-bonding,” pagtatapat ng Teleserye King.
Sa pagkakataong ding iyon, naipagtapat ng lola ng bata na hindi siya ang ama ng kanyang apo, tulad ng sinasabi ni inang aktres. Hinintay muna niya na lumabas ang resulta ng DNA test.
Mismong lola ng bata ang nagpaliwanag sa bata na hindi nga siya ang tunay na ama ng kanyang apo. Sa pagkakaalam ko, nakatanggap ang bata ng tulong mula kay Coco. Kahit alam na niyang hindi niya ito anak. Para ito sa pag-aaral ng bata at mga kailangan niya sa pagaaral.
Hindi rin kami magtataka sakaling hanggang ngayon ay tinutulungan pa rin ni Coco ang bata. Napamahal na rin ito sa kanya. Samantala, ini-enjoy naman ni Coco ang bawa’t trabahong ibinibigay sa kanya ng ABSCBN.
Tulad nitong “Maybe, This Time” na pinagsamahan nila ni Sarah Geronimo at malapit ng mapanood sa sangkatutak na sinehan. “Feeling ko, guwapong-guwapo ako, kasi, pinag-aagawan ako dito nina Sarah at Ms. Ruffa Gutierrez.
Inaalagaan din ako ni direk Jerry Lopez Sineneng. Kahit hindi ko hinihingi, binibigyan niya ako ng oras na makatulog kahit tatlong oras lang isang gabi. Para naman mamaintain ko ang kaguwapuhan ko. Hindi siguro kapani-paniwala na pag-agawan ako ng dalawang magagandang babae, kung hindi ako pogi. Kailangan na lagi akong mabango.
Kailangang kong maging sagana sa paliligo habang nagso-shooting kami. “ natatawang kuwento niya.
