Pasku’t bayung banua payapang milabas
King alang nanu mang bage e masampat
A memilatan king pamiyaduangan gamat
Ning bayung datang at ning banuang linipas.
Bistaman ing banuang dos mil beinte uno
Angga na pin ngening bulan ning Enero,
Matinding amun king mabilug a yatu
Ing pandemyang gewa ring marok a tau.
At libu-libu na la ring ken miragsa
King parang ning alang kawangis a digma
A paninmuman ding mengaring talangka
A mipapanabit misampa keng banga.
Masalapi na la’t alus karela na
Ing anggang pibandian king yatu, angad ra
Akua reti pati ing eganagana,
Kapamilatan na ken ning pamamyasa.
Antimo ing bili ning bantuf a Bill Gates,
Nung nu’ ding kualta na e la mu bilyones
Nu’ne saku-saku la yatang dolyares,
Aisip niti ing gawang-taung sakit?
At panulu para kanyan ban kumayap
Ing biktima mismu nung e pin ing angad
Nang Bill Gates, pikualtan nang lalu ning turak
Ing anti kanyan a matsurang pigagap?
Ayamyam nang mate ya’ing para nang tau
Ning anti kanyan a klasing panga-tau,
Nung atin yang pusung maka-Apung Ginu
At atin yang takut manabu Impyerno?
At maging ding keyang ayamuyut niti
Sumoso, sumosyu king antiting klasi
A kaparalanan ban lalung mibandi,
Aisip da na nung nu’la sanglad deti?
Anti mo ring keng WHO a mekisapakat
Karing imbentor ning Covid,, e ra’sanak
Ing kapupuntan ning pilit dang tutulak
Ing magpa-bakuna a e makakayap?
Nu’ne agpang karing dalubhasang doctor
Ning U.S., Britanya’t aliwa pang Nasyon,
E lumuat akit ta’ing matsurang epektong
Ibie ning bakuna agpang karing doctor
A e kumpormi king iti sapilitan
Ipatupad da ring keng ‘health care’ tatalan
Ing pati e bisa, pamatakutan dang
Ing e magpa-‘vaccine’ king bale e milual.
Inggil king bage’yti atin tamung batas
Subali agpang king kekatang ‘human rights’
Atin tang matulid tumutul at sukat
Bilang memalen ning bansang Pilipinas.
Kabalen, e ra ko agkatan tumutul
King kapaniawsan nang Presidente Digong,
A magp-akuna kayu at “SANA ALL”,
Uling iti ‘kanya-kanya’ mung opinion.
Pero umasdan ta’mu sanang banayad
Ing keti king yatu ngeni mararapat;
Ding ‘rich & famous’ a masyadung mautak
Ila menasa ring kampon nang Satanas!
(SANA ‘at the start of YEAR 2022’
Atin yang maragul ibie pamagbayu
Karing mangasiwa keng gubyernu tamu
A sobra bisyu keng ‘pastillas’ a usu!
