(Karugtong ng sinundang isyu)
At di man milagro nating maituturing,
Pero si Lord Jesus na rin po marahil
Ang gumawa r’yan ng daan para namin
Mailabas na si SPO 3 Delfin.
Akalain mo bang ang isang duktor na
Umasikaso nang nasa I.C.U. siya
Ang umako bale sa bayarin nila
Para pumayag ang kanilang kahera?
Na ma-iuwi na kahit di ‘fully paid’
Ang bayaring dapat bago pa i-release
Ang pasyente sa ospital na nabanggit,
Ay bayad na’t lahat sa ‘accounting office”.
Gayong si Dr. So ay di Kapampangan
O ika nga’y isang Pilipino man lang,
Kundi Koreano o ibang Nasyunal
Base sa binigay na pagkakilanlan.
Na nagdalang habag lamang sa maysakit
At sa hindi mapakali nitong misis,
Habang kung kani-kanino lumalapit
Upang maibsan ang kalagayang gipit.
Kaya para nito mabigyan ng lunas
Ang hinaing nitong naturang mag-anak,
Nagkusang-loob siyang tumulong at sukat
Sa pag-garantiya ng natitirang ‘balance’
At kinausap ang kapwa niya duktor
Upang pati ‘professional fee’ i-discount
Kay Delfin para lang payagan na itong
Mailabas na ospital na iy0on.
Na aywan kung bakit sa kabila naman
Ng pakiusap ng misis sa ospital,
Na mag-promissory note’ di pinayagan,
Gayong may pambayad na inaasahan.
Pagkat bilang pulis na ‘active in service’
Ay natural na mayrung mare-receive
Na pera o kaukulang ‘reimbursement’
Para ipambayad n’yan ng ‘hospital bills’.
Kaya malayong di sila makabayad,
Gaya riyan ng ibang nangako at lahat
Pero wala naman ding ‘income’ na sapat
Upang sa pangako nila’y makatupad.
At sana depende rin naman sa klase
Ng katayuhan sinusuri parati,
Ng alin mang instutusyong nasabi
Ang kapasidad ng kanilang pasyente.
Pagkat komo ang tao’y nataong gipit
Sa panahon ng kanyang pagkakasakit,
Ay wala na nga siyang tsansa pang masagip
Dahilan na rin sa bagay na nabanggit?
Batid kaya riyan ng kinauukulan
Na may batas hinggil sa isyung naturan,
Na ang pasyente ay di puedeng pigilan
Ng dahil lamang sa walang pambayad yan?
At may katapat na parusa o multa
Laban sa sinumang may mga klinika
At ospital kaya na ‘illegally’ nila’ng
Pigilan, i-hostage ang pasyente nila?
Gaya nitong isa sa parting Hilaga
Ng lungsod, kung saan Alkalde si Oca;
Maliban sa multa’y pinagbayad yata
Ng ‘moral damages’ sa maling nagawa?
At dahil ‘illegal detention’ ang kaso,
Na isinampa ng naging ‘patient’ nito;
‘Eventually’ imbes ang ospital na ito
Ang bayaran ay siyang siningil ng danyo?!!!
