Bangketa ning San Fernando melinis lang ustu
(Karugtong ng sinundang isyu)
Karing illegal a structures ngara pin
Ampon pakalapag a paninda karin;
A nung nu’ maybug neng misara kareting
Sidewalks occupants ing bukud makarikil,
A sukat dalanan ding sablang pedestrians
Ban e la king dalan maybug asapungan
Ding motorista neng imbes king ila itang
King bangketa dalpak, vendors la ring dakal
A makabarega kilub ning aldo-aldo
Inia pin ken e ka mibasa mang galo:
(Puera karing estanteng maglarin relo
Ating maglapag ken a magtindang paro).
E kaya manayun lalon ing paligid
A misna kalagu king balang penandit?
At keta malaut kang biglang mitakid
Agiang maglakad kang medyu papulandit?
At saka e mu pin keti San Fernando
Bawal ing makanian a magpuestu tamu
Karing bangketa at lugal pampubliko
A makarikil keng pamangamit ustu.
Atin tang’ palengking sukat paglugalan
King nanu mang bage a pamangailangan;
Bukud karing tiangge atin pa mu namang
Aliwang espasyo a nung nu’ e bawal.
Bilang Fernandino e ta’ wari buri
King ing siyudad tamu luminis ya bili
At ing bage-bage a balu tang’ mali
Mibayu at e yan ing sukat matuki?
Kapanyiran mu pu king administrasyon
Ing ngara sobra ya igpit ing city hall;
At natural mung ding maka-oposisyon
Posibleng atin lang sariling intenyon.
A nung makananu rang apalto reti
Ing kabaligtaran ning buring maliari
Ding salukuyan a makalukluk ngeni,
Kapamilatan ning mialiwang diskarti;
A nung makananu da reting apildis
Ing tune isyu king pangalako pilit
Karing sidewalks ampon dalan a makitid
A nu’la kelat ding ‘vendors’ a mebanggit.
Natural mu itang dakal la ring mimua
Karing paka-puestu a e meko kusa
Iniang ing gubyernu, lalam nang upaya
Ning mayor, yutus na iting mesambilta.
Kalupa na naman iniang y Aquino
Palakuan no’ ring king gilid munisipyu,
A mag-‘xerox’ ampon magtindang tucino;
Kanita dakal la namang mimuang tau!
Pero kaibat nita, iniang tangalan da
King yan meksanting king munisipyu ra,
Ding migmunikalang deti ilako la
Kapurian ing meging sukli na karela.
Makanian mu naman ing posibleng kamtan
Nang papuri ampon kapasalamatan
Ning administrasyon potang makilalang
Iti meka-kayap king mal tang’ balayan;
Pablasang iti yang makailangan sangkap
Ning insa’mang balen keti Pilipinas
A magnasang lalu niting apaunlad
Ing tune panyulung a ta’na mibuklat!
(Karugtong ng sinundang isyu)
Karing illegal a structures ngara pin
Ampon pakalapag a paninda karin;
A nung nu’ maybug neng misara kareting
Sidewalks occupants ing bukud makarikil,
A sukat dalanan ding sablang pedestrians
Ban e la king dalan maybug asapungan
Ding motorista neng imbes king ila itang
King bangketa dalpak, vendors la ring dakal
A makabarega kilub ning aldo-aldo
Inia pin ken e ka mibasa mang galo:
(Puera karing estanteng maglarin relo
Ating maglapag ken a magtindang paro).
E kaya manayun lalon ing paligid
A misna kalagu king balang penandit?
At keta malaut kang biglang mitakid
Agiang maglakad kang medyu papulandit?
At saka e mu pin keti San Fernando
Bawal ing makanian a magpuestu tamu
Karing bangketa at lugal pampubliko
A makarikil keng pamangamit ustu.
Atin tang’ palengking sukat paglugalan
King nanu mang bage a pamangailangan;
Bukud karing tiangge atin pa mu namang
Aliwang espasyo a nung nu’ e bawal.
Bilang Fernandino e ta’ wari buri
King ing siyudad tamu luminis ya bili
At ing bage-bage a balu tang’ mali
Mibayu at e yan ing sukat matuki?
Kapanyiran mu pu king administrasyon
Ing ngara sobra ya igpit ing city hall;
At natural mung ding maka-oposisyon
Posibleng atin lang sariling intenyon.
A nung makananu rang apalto reti
Ing kabaligtaran ning buring maliari
Ding salukuyan a makalukluk ngeni,
Kapamilatan ning mialiwang diskarti;
A nung makananu da reting apildis
Ing tune isyu king pangalako pilit
Karing sidewalks ampon dalan a makitid
A nu’la kelat ding ‘vendors’ a mebanggit.
Natural mu itang dakal la ring mimua
Karing paka-puestu a e meko kusa
Iniang ing gubyernu, lalam nang upaya
Ning mayor, yutus na iting mesambilta.
Kalupa na naman iniang y Aquino
Palakuan no’ ring king gilid munisipyu,
A mag-‘xerox’ ampon magtindang tucino;
Kanita dakal la namang mimuang tau!
Pero kaibat nita, iniang tangalan da
King yan meksanting king munisipyu ra,
Ding migmunikalang deti ilako la
Kapurian ing meging sukli na karela.
Makanian mu naman ing posibleng kamtan
Nang papuri ampon kapasalamatan
Ning administrasyon potang makilalang
Iti meka-kayap king mal tang’ balayan;
Pablasang iti yang makailangan sangkap
Ning insa’mang balen keti Pilipinas
A magnasang lalu niting apaunlad
Ing tune panyulung a ta’na mibuklat!
