ang pinalad sa nakaraang eleksyon,
bukas, malamang ang singkwenta porsyentong
bahagi ng ating populasyon ngayon
Posibleng addict na sa bawal na gamot,
kung si Binay o si Roxas ang lumusot;
Pagkat wala naman ding ginawa halos
ang dalawa laban sa sistemang bulok.
Partikular itong si Mr. Palengke,
na naging Kalihim r’yan ng DILG;
pero may nagawa bang ikabubuti
ng Pambansang Kapulisan o PNP?
Di ko sinasabing inutil si Roxas
o naging pabaya sa tungkuling hawak,
pero ano’t hindi niya nahalungkat
sa panahon niya itong illegal drugs
At itong iba pang alam niyang illegal
na gawain pati r’yan nitong ilan pang
may matataas pa manding katungkulan,
pero kasabuwat sa hindi ikarangal?
At kung saan kundi nga lamang marahil
si Duterte ang naging Pangulo natin,
kailan sa akala natin mabubuking
itong pasimuno ng ganyang gawain?
Na hayan, kundi lang kay Pangulong Digong,
malalaman ba ng sambayanan ngayon,
na ang iba palang nasa likod nitong
ganyang kilusan ay Mayor daw at Solons?
Kasama na pati ang maraming corrupt
na opisyal mandin sa hanay ni Roxas
nang siya pa bale ang pinakamataas
na lider ng mga Alagad ng Batas.
Kay Grace Poe maaring tayo’y makaasa
ng marahil kahit na kaunting pag-asa
na mapatakbo ang gobyerno kumbaga,
pero ang klase ng kay Digong di kaya.
Sapagkat tunay na lalaki ang dapat
umaksyon laban sa klaseng aktibidad,
na di lang literal na taglay ang lakas
ng isang barako wari ang katumbas
Kundi bitbit pati ang tibay ng loob,
ang gilas at saka sa ‘daga’ di takot;
Na kabaligtaran nitong kung kumilos
at mangusap, mapag-kakamalang bebot.
Kay Binay ay wala akong masasabi,
sakali’t siya ang naging Presidente,
maliban sa baka lalong lang titindi
ang overpricing at ang corruption pati.
Kina Miriam, Greg Honasan at Trillanes
ay masasabi kong ‘moot and academic,
na ang ano pa mang ating ninanais
isulat para sa pang-4th, pang-5th at 6th.
At ang tangi lang na ating masasabi
ay sigun lamang sa obserbasyon pati
nitong higit nga sa mas nakararami
ang naisip talakayin ni ‘yours truly’
At tayo ay walang anumang personal
na galit kay Roxas, Binay at iba pang
sa itaas nito nabanggit ang ngalan,
kundi bagkus ay napag-usapan lang!
