MALIGAYANG araw ng iyong pagsilang
‘Nanay Baby’ ang pagbating sa’yo alay
ng ‘local media’ at mga kapisanan
ng manunulat na mga Kapampangan
Partikular mula r’yan sa mas kilala
sa ‘acronym’ nilang tawag ay AGTACA,
kung saan ang aba n’yong kolumnista
ang pangulo pati ng samahan nila
At nagsusumikap na mapanatiling
buhay ang kulturang pamana sa atin
ng mga ninuno nating magagaling
sa paghabi riyan ng magandang tulain
Kabilang d’yan sina Crissot ng Bacolor,
Jose M. Gallardo, Amado M. Yuzon
ng Candaba’t Guagua; Delfi n T. Quiboloy
at Diosdado M. Macapagal ng Lubao.
Kung saan pati sa pinilakang tabing
ang bayan ng Lubao ay nakilala rin
kina Dela Rosa; at taga Lubao ding
kapwa naging bantog na Pangulo natin
Na dili’t iba ay ang mag-amang Dadong
at Gloria; liban kay naging ‘Vice Governor
Cielo M. Salgado at ang ‘talk of the town’
nating ‘Nanay Baby’ bilang Gobernador.’
At kung saan bilang ‘Ina ng probinsya’
na napakasipag, ginagampanan niya
ng buong puso ang serbisyong dapat na
ipagsilbi para sa taga Pampanga.
At kung puede nga lang gusto ng marami
ay siya’ng sa Capitol lubos manatili,
ang katulad d’yan ng ating ‘Nanay Baby’
na talaga naman ding kapuri-puri.
Madaling lapitan ng kahit na sinong
mayrung opisyal na lakad sa Capitol,
dahilan na rin sa ating Governor
ay tunay naman ding lubhang ‘approachable’.
Di gaya ng ibang nasa katungkulan
na madalang pa sa kidlat sa tag-araw
kung sila’y datnan sa kanilang tanggapan,
pero kakaiba siya’y ganap na mapanaligan.
.
Ganyan kalingap ang ating ‘Nanay Baby’
sa lahat kung kaya dalangin parati
ng mga Kabalen, ang ‘health’ niya pati
sana sa lahat ng oras ay mabuti
Nang sa gayon ang matapat na serbisyo
ng ‘Nanay’ ng lahat na ng Pampanguenio
manatiling buhay sa probinsya nito
hangga’t nakaupo siya sa Kapitolyo.
‘NANAY’ wala kaming tanging mai-alay
sa masayang araw ng iyong pagsilang
kundi ang dalanging sana marami pang
mga ‘Happy Birthday’ ang sa’yo daratal.
‘Happy, happy birthday’ Gov Lilia Pineda
at ‘Nanay Baby’ ng lahat sa Pampanga,
loobin nawa ng ating Diyos Ama
at ng kanyang Anak ang patnubay Nila.
Sa isang tulad ng ating ‘Nanay Baby’
na wagas at tapat kung siya’y magsilbi
sa kalalawigan at napakarami
n’yang natutulungang mga istudyante!