Kung katulad noon na wala pang limit
Ang paghabol muli at/o ‘terms of office’
Nitong mga halal nating opisyales,
Si Gob mahahalal nang paulit-ulit
At hanggang sa siya’y kusang magretiro
Ay baka wala nang manganghas siguro
Na sagupain siya (liban kay Panlilio?)
Sapagkat wala nang maaring tumalo.
Sa husay at galing ng pamamahala,
Sipag at taglay na karisma sa kapwa;
At dahil na rin sa matulunging lubha
Sa nangangailan ng kanyang kalinga
Partikular na sa ating ka-probinsya
Na may problema sa kalusugan nila,
Si ‘Nanay Baby’ ang takbuhan kumbaga
Ng marami para maipagamot sila.
Kung saan dagsa ang tao sa Capitol
Mula sa umaga, at halos maghapon
May makikita kang nakapila roon
Para humingi ng pinansyal na tulong.
(At kahit sa private hospital na-‘confined’
Ang pasyente, tinutulungan ni ‘Nanay’;
Di kagaya noong mga nakaraan,
Na ni singkong duling wala kang mahingan
Ng tulong sa tanggapan ng gobernador
Kung di ka kilala (partikular noong
Ang mag-amang Lapid ang ‘sitting governor’
Na bihira mong makapa sa Capitol).
Lahat na ng sektor ng pamahalaan
Ay nabigyan na ng tulong na kailangan,
At walang lumapit sa opis ni ‘Nanay’
Na di inaksyunan ng kanyang tanggapan.
Araw-araw halos ay di tumitigil
Si ‘Nanay’ sa opisyal niyang gawain,
Minsan mas maaga pa siyang dumarating
Kaysa ibang kapwa niya opisyal din.
At nalibot na niya ang buong Pampanga
Para matingnan kung ano ang problema
Na sukat ayusin at mabigyan niya
Ng ‘immediate action’ para sa lahat na.
At para sa tinatawag na ‘livelihood’
Ng iba na walang permanenteng kayod,
Ay namigay ang ating mabait na Gob
Nitong iba’t-ibang alagaing hayop
May baboy, kalabaw, baka saka kambing
At ng pinansyal na ‘assistance’ pa mandin
Sa nagnanais na makapagtinda rin
Ng pang-ulam at/o iba pang kakanin.
Sa tuwirang sabi ay lubhang malingap
Si ‘Nanay’ sa opisyal nitong pag-ganap
Sa kanyang tungkulin, at kung saan lahat,
Ay taos sa puso niyang hinaharap.
At siya pa lamang sa lahat ng naging
Gobernador yata sa probinsya natin
Ang ika nga’y bukod tanging masasabing
Pinaka-aktibo sa kanyang tungkulin.
At tunay naman ding maasahang tunay
Ng lahat sa kanyang gawaing opisyal,
Kasi bumabangon ng madaling araw
At gising anumang oras kung kailangan.
At talaga namang ang ‘Alagang Nanay’
Ay tunay naman ding walang makapantay
Pagdating sa ika nga’y serbisyong tunay
Ang kay Gob Pineda mai-aagapay!
