“Acting” ni De Lima, pang-FAMAS Award talaga

    177
    0
    SHARE

    NGAYONG iniharap na upang tumayo
    bilang witness itong dating kalaguyo
    (ni Leila,) ng kontra sa kanya ay lalo
    nang higit kailanman pihong pagkabigo

    Sa inaasam na di siya isasabit
    ni Ronnie sa ‘drug trade’ diyan sa Bilibid,
    nitong ang ‘lover boy’ niya ay nadakip
    na ng CIDG o Pambansang Pulis.

    At iharap na nga sa ‘Senate Inquiry’
    ang minsa’y minahal niya’t naging kasi
    na si Ronnie, hayan siya bandang huli
    ang nagsilbing tinik sa kanyang sarili.

    At di akalaing sa araw ng bukas
    ang sa sikreto niya’t gawang di marapat
    ay siyang laban sa kanya ay haharap
    Sa Senado upang lahat isiwalat.

    Kaya kahit todo tanggi si De Lima,
    sa akusasyon ay tiklo pa rin siya,
    dala na rin nitong ikinaila niya
    aa si Kerwin daw ay di niya kilala

    At ‘never in her life’ niya nakaharap
    ‘nor had met’ si Kerwin gayong ya’y may Kodak
    o ‘photo-shoot’ sila kaya maliwanag
    na si De Lima ay ‘is loaded of big lies’

    Kung saan ang ‘driver/bodyguard’ niya mismo
    na si Ronnie Dayan itong tila gusto
    niyang idiin at palabasin nito
    na siyang nakinabang, at di damuho?

    Sa lahat ng kuwartang dumaan sa kamay
    ni Dayan, na galing dito sa mag-amang
    Espinosa bilang suportang pinansyal
    kay Sec De Lima sa planong pagtakbo n’yan

    Comes year 2016 National and Local
    Election, kung saan kakandidato yan
    bilang Senadora, kaya noon pa lang
    ay nangalap na nga pondong kailangan.

    At kabilang na nga sa naisip nila
    na medyo madaling kuhanan ng pera
    ay ang mga ‘inmates’ na sadyang makuwarta,
    (at alam na may mayrung negosyo ng droga?).

    Pero ano’t ngayong animo ay bulkan
    na sumabog itong isyu, at kung saan
    si De Lima itong ininguso nilang
    pasimuno r’yan ng matinding lagayan

    Ay todo tanggi ang ating Senadora
    at sinabing walang raw siyang direkta
    o ‘indirect’ itong ‘business’ sa mag-ama,
    na sina Roland at Kerwin Espiñosa.

    Kaya kung sa puntong naturan, si Ronnie
    na hayan ang siyang ginigiit bale
    ni de Lima itong aniya’y posible’ng
    gumawa ng pera para sa sarili?

    Sana naman huwag nang ipagkaila n’yan
    ang totoo… at huwag kay Ronnie ibintang
    itong lahat na ng naging kasalanan
    niya sa Estado at sa taongbayan.

    Maatim ba nito sa kanyang sarili,
    na sa ‘lover’ niya ibunton ang sisi,
    gayong siya itong marapat mabigti
    sa nagawa… at di ang probreng lalaki?

    At higit sa lahat… anhin mang itago
    ni Madam ang kanyang sumingaw na baho,
    Yan ibaon man nang tatlong siko’t sampo
    sa katagalan ay lalong mamamaho!

    LEAVE A REPLY

    Please enter your comment!
    Please enter your name here