Itong bagong award na katatanggap lang
Ni Angeles city Mayor Ed Pamintuan
Bilang pagkilala sa napangalanan
Na ‘Anti-drug abuse council’ na naturan
‘As the best’ sa buong bansang Pilipinas,
At pangalawa na ito sa natanggap
Ng ‘multi-awarded’ na Mayor ng siyudad
Sa magkasunod na taong pagka-award;
At kung saan itong ating Philippine Drug
Enforcement Agency kinilala’t sukat
Ang AC anti-drug council o ACADAC
Bilang ‘recipient’ uli ng ganyang award
Ay tunay naman ngang maipagmamalaki
Ang kilalanin kang ‘the best in the country’
Sa ini-award ng naturang Agency
Sa local government ng Angeles city
Under the leadership of Mayor Pamintuan,
Na tunay naman ding di matatawaran
Ang husay at galing sa panunungkulan
Ng ‘multi-awarded’ at kinikilalang
‘World Class City Mayor’ (na liban kay Oca
At ilan pang city mayor nitong bansa
Ay wala pang ibang nakatanggap yata
Ng ganyang kaprestihiyosong gantimpala).
Na talaga naman ding kapuri-puri,
Maliban sa iba pang natanggap pati,
Gaya na nga nitong binigay na huli
Nina PDEA Asec Rene Orbe
At mga katuwang na sina Frederick
Musni at kasamang mga ‘executive’
Nitong PDEA at ‘government units’
Sa tina-target na ‘a drug free Philippines’
Na sinisikap ng naturang Agency
O nitong ACADAC na mapanatili
Itong kaayusan at pagiging ‘drug free’
Nitong ating lungsod sa tuwirang sabi.
At ngayon ay ‘drug free’ na nga itong lubos
Dala nitong beinte kuwatro oras halos
Ay tinutukan ng Mayor ng lungsod
Ang pagbantay laban sa bawal na gamot.
Sa pamamagitan nitong masisipag
Na mga ‘drug busters’ ng ating ACADAC;
Kaya naman hayan isa uling ‘award’
Ang nakamit muli nitong ating Siyudad
Na maisasama at mapapabilang
Sa mahahalagang natanggap ni EdPam
Mula sa iba’t-ibang ‘awarding body’ riyan,
Na ang iba’y bigay ng pandaigdigang
Kapisanan nitong marangal na tao,
Institusyon at/o grupong pang-sibiko
Na tunay naman ding kilala sa mundo
Ng pagrekognisa at pag-award nito
Sa nararapat na mapagkalooban,
Na kagaya nina Oca at Pamintuan,
Na di lang dangal ng liping Kapampangan,
Kundi pati na ng ating Inangbayan;
Sa pagiging kapwa n’yan multi-awarded
Bilang responsableng government officers,
Na di nabahiran ng kahit gabinlid
Na putik ang kamay bilang heads of office!
