Abuse of authority

    114
    0
    SHARE

    Isang ‘service crew’ sa gasoline station
    Ang itinawag nitong Lunes ng hapon
    Ng pamilya upang ako’y makatulong
    Sa kanya sa isang gipit na situwasyon.

    Laban sa isang pulis, na naging dahilan
    Ng pagkatangal niya sa pinapasukan
    Sanhi ng umano’y pagtanggi yata niyan
    Na ikuha ito ng tubig kung saan;

    Kasunod ng sabing “bakit, boss ba kita
    Upang utusan mo?” ang sagot yata niya;
    Na humantong sa puntong nagtalo sila
    Ng dahil lamang sa utos nitong isa.

    Na nagresulta sa di inaasahang
    Pagdampot sa kanya at ikinulong yan
    Ng kung ilang oras at binantaan pang
    Kakasuhan nitong pulis na naturan

    Pero matapos ang ilang oras yata
    Ay kusa naman daw yatang pinalaya,
    Kung kaya di ko dinatnan ang bata
    Nang sadyain upang siya’y tulungan nga.

    Di ko nakausap nang oras na iyon
    Ang hepe ng pinuntahan kong istasyon,
    Pero nang balikan ko siya ng gabing ‘yon
    Ay nasa opis na at masuyo tayong

    Hinarap ni Hepe ng mga sandaling
    Tayo ay naroon at kami’y masusing
    Nag-usap hinggil sa nais iparating
    At iba pa, na di ko babanggitin.

    Ang ilang bagay na ating inilahad
    Tungkol sa pulis na di ko nakaharap,
    Pero kilala ko ang personalidad
    Bilang isang abusadong otoridad.

    Tinanong ko kay Tsip ang klase ng utos
    Na naging ugat ng nangyaring sigalot;
    Pagkat kung personal ka’kong pag-uutos
    Posibleng ganun nga ang magiging sagot

    Kasi, hindi komo siya’y isang pulis
    Ay may karapatan yan upang ipilit
    Ipagawa sa isang nilalang ang nais
    Nitong ipag-utos pagkat di matuwid.

    Puwera na lamang kung ‘in line with his duty’
    Ang ipagagawa, sabi ko kay Hepe;
    Pero kung iba ay may katuwiran kasi
    Itong ‘gasoline boy’ para sa sarili.

    At saka ika ko, Tsip kabisado ko
    Itong ‘subject’ kaya kumbinsido ako
    Na siya marahil ang nagkamali mismo
    O may pagkukulang sa nangyaring ito.

    Minsan, nakabangga ko na sa Apalit
    Ang taong yan noong si Capitan Lopez
    Ang ‘officer as Deputy Chief of Police’
    Sanhi ng di tamang klase ng matuwid.

    Na nag-ugat sa di pag-responde nito
    Sa isang ‘trouble’ na ako’t ang anak ko
    Ang tumawag upang ayusin ang gulo,
    Pero di bumangon sa higaan nito.

    At ikinagalit pa mandin ang tila
    Pagkabulabog niya sa pagkaka-higa,
    Kung kaya ang pobre ay nakapag-wika
    Ng hindi mainam na pananalita.

    At nang ipatawag ng Mayor, saka lang
    Parang natauhan at humingi po yan
    Ng dispensa, lalo nang kanyang malamang
    Mamamahayag ang kwenta binastos niyan!

    LEAVE A REPLY

    Please enter your comment!
    Please enter your name here