A mysterious title, behind a deed of sale?

    101
    0
    SHARE

    AT POSIBLENG mga ‘high ranking’ kumbaga
    Na opisyal nitong nasabing ahensya
    Ang posibleng sangkot kapag inilarga
    Ni Congressman Yeng Guiao ang pag-imbestiga.

    Nang ang PTA ay ire-organisa
    At noong 2009 ay naging TIEZA,
    Si Mark ay ni-retained ni Pangulong Gloria
    Bilang agency’s head ng dating opis niya.

    At nalaman nga lang ni Yeng itong hinggil
    Sa “sale” ng Paskuhan nang siya’y kausapin
    Ng Adminstrator ng Paskuhan pa rin,
    Na ang busto ni Tang’ Bren dapat nang kunin

    Sa ‘main hall’ ng parke dahil diumano
    Ang dating Paskuhan, nabili na mismo
    Ng SM kung kaya pinaalam nito
    Kay Cong Yeng ang nararapat na abiso.

    Matatandaang si Governor Bren Z. Guiao
    Ang ‘founder’ ng parke’t nagsilbing ‘show-window’
    Ng mga pamoso ng ating ‘giant parol’
    Na tunay naman ding naging ‘worldwide renowned’

    Kaya para basta maglaho ng bigla
    Ang ‘Christmas capital’ nitong ating bansa,
    Ay makabubuting ibalik nang kusa
    Sa pamilya ng mga Lazatin ang lupa.

    Kaysa ipagbili ng pamahalaan
    O nitong ‘government agency’ na siyang
    May hawak sa ‘title’ itong makinabang;
    At baka ibulsa lang yan ng kawatan

    Na naglipana sa’ting gobyerno ngayon,
    At nitong animo ay buwayang gutom
    Kung lumaklak sa salaping nauukol
    Sa taongbayan at mga ‘infrastructure’

    Na dapat magawa, pero nang dahil nga
    Sa pandarambong ng mga masisiba,
    Akalain mong donasyon lang ang lupa
    Ay naibenta sa paraang di tama?

    Alam na marami, na bago pumanaw
    Si sir Jess Lazatin ay inintrega raw
    Sa kanyang lawyer ang mga dokumentong
    May kaugnayan sa pag-aari ng Don.

    At base sa report, ang abogadong yan
    Na nasa State na sa kasalukuyan,
    Ang lumakad para sa PTA upang
    Mailipat yan sa ahensyang naturan.

    Nang lingid yata sa ‘heirs’ ni Jess Lazatin
    Ang transaksyon nito, yan kung tutuusin
    Ay may ‘forms of deceit’ na maihahambing
    Sa isang animo ay panloloko na rin.

    Maliban na lang kung hindi intensyonal
    Ang kay Jess Lazatin ginawang sangkalan
    Para gamitin ang kanyang pinirmahang
    Papeles hinggil sa donasyong naturan.

    Pero kung totoong ang ‘heirs’ ni Lazatin
    Ay di batid n’yan ang mga pangyayaring
    Namagitan sa Don at sa kanyang counsel,
    Hangga’t maaga ay kanilang habulin

    Ang ‘real estate’ na sila ang marapat
    Magmana, at hindi ang mga katulad
    Nitong mandarambong at tulisang dagat
    Na lubhang eksperto na sa panghuhuwad;

    At sampahan nila ng kasong kriminal
    Ang sukat managot kung kinakailangan,
    Nang sa gayon ay di sila pamarisan
    Ng iba pang dapat mabigyan ng aral!

    LEAVE A REPLY

    Please enter your comment!
    Please enter your name here