SA DI SINASADYA, sa wakas, na-‘dead end’
ang mga kriminal na ‘riding-in-tandem
sa Culiat, sa kamay ng ‘security men’
ni Mayor Pamintuan ‘by mere coincidence’
Ang insidente ng aktual na ‘snatching’
na naganap – at kung saan tyempo manding
kitang-kita nina Mayor ang nangyaring
paghablot n’yan sa bag ng kanilang ‘victim’.
Galing ang Alkalde sa ‘heritage district’
kasama ang ilang niyang ‘bodyguard/police’
nang bago mag-‘right turn from St. Rosario Street,
papauwi ay matanaw ang pagsagmit
Ng mga salarin sa dala-dalahan
ng biktima nilang Korean national,
Mabilis kumilos ang grupo si EdPam
upang masakote nila ang mga yan.
Bagama’t ang isa’y natakasan sila
nitong sa may ‘downtown’ ay nambibiktima
ng mga naglalakad lang sa kalsada,
na may bitbit na bag o anumang dala
Ay baka tuluyan nang magsipaglubay
sa ganitong klase riyan ng hanapbuhay
itong naging bisyo na ang kakapalan
n’yan ng pagmumukha magkapera lamang.
Di na bago ang ganitong insidente
ng ‘riding-in-tandem’ sa Angeles city,
Malas lang nila at tyempong ang Alkalde
ng nasabing lunsod pa ang nakahuli
Na naalarma na sa hinggil sa madalas
maagawan itong mga naglalakad
sa may ‘downtown’ lalo’t alanganing oras,
Kaya’t si Mayor ay nagpalabas agad
Ng kautusan sa mga kapulisan
para mabantayan ang kapaligiran
at mahuli agad ang mga kriminal
na nambibiktima ng mga ‘pedestrians’
At bandang huli ay si Mayor pa mismo
itong sa ‘riding-in-tandem’ nakatiklo,
Kaya marapat lang sa nangyaring ito
ang papuri pati sa kasama nito
Partikular kay ‘retired policeman Nulud’
na kasa-kasama ng Mayor ng lungsod
bilang ‘head’ nitong kanyang ‘security group’
at ika nga’y laging nasa kanyang likod.
Ang pagkakahuli nina Mayor EdPam
sa mga ‘snatcher’ nitong nakaraang
araw lang ng Lunes ay makabuluhan
kundi man ika nga ay makasaysayan
Pagkat patunay lang na si Mayor pala
ay di basta lamang din pang-opisina,
kundi nag-iikot at tinitingnan niya
ang kapaligiran sa tuwi-tuwina.
Na kagaya nitong pati kalinisan
ng siyudad ay kanya ring binabantayan,
para manatiling ang kapaligiran
ay ligtas sa sakit at kapinsalaan.
Kung saan madalas pati pamilihang
bayan o palengke ay pinupuntahan
ni Mayor para lang makitang personal
ang anumang bagay na di kagandahan.
Ganyan kasipag ang butihing Alkalde
nang ngayon ay ‘worldwide known Angeles city’;
Kaya naman dagsa itong pumupuri
sa pagiging ‘world class’ na rin niya pati!