CALUMPIT, Bulacan — Maagang nagsipagsumite ng kanilang mga certificate of candidacy (COC) ang ilang kandidato sa bayang ito para sa sangguniang kabataan at barangay elections.
Ang ilang kandidato na maagang nasipagsumite ay may mga motorcade pa at may mga lobo ang mga sasakyan patungo sa Comelec na bahagyang nagpabigat ng daloy ng trapiko.
Umaga pa lang ay nasa 10 kandidato na ang nagsipaghain ng kanilang mga COC sa Calumpit. Sa kabuuan ay naging mapayapa at maayos naman ang filing of COC ng mga kandidato sa nasabing bayan.
Paalala naman ng Comelec na ang filing of COC ay mula ngayong araw hanggang sa ika-2 ng Setyembre mula alas-8 ng umaga hanggang alas-5 ng hapon.
