SUBIC, Zambales –Dead on- the-spot ang isang lalaki matapos itong barilin ng mga di pa kilalang holdaper makaraan itong manlaban, samantalang ang kasintahan nito ay nagpapagaling sa pagamutan mula sa tama ng ligaw na bala sa leeg at ay halinhinang paggahasa dito sa GOVIC Highway, Barangay Mangan-Vaca sa bayang ito.
Kinilala ng pulisya ang biktimang nagtamo nga tama ng bala sa sintido na si Jaybee Kho, 18, residente ng Purok 3, Barangay Ilwas, Subic, Zambales. Nagpapagaling naman sa San Marcelino District Hospital ang kasintahan ng biktima na itinago sa pangalang “Miriam,” 18, residente ng Olongapo City.
Sa imbestigasyon ng pulisya, naglalakad sa kahabaan ng GOVIC Highway ang magkasintahan nang madaanan ito ng mga suspek at nagdeklara ng holdap Bago tinangay ng mga suspek ang bag at wallet ng mga biktima ay halinhinan pang ginahasa si “Miriam.” Patuloy ang imbestigasyon ng pulisya sa kaso.
