OLONGAPO CITY – Winakasan ng isang Sri Lankan national ang kanyang buhay sa loob ng kanyang kwartong
tinutuluyan sa Sheavens Seafront Resort sa Baloy Long Beach, Barangay Barretto sa lungsod na ito.
Kinilala ng pulisya ang biktimang si Janaka Gamahe, 25, in-house accountant ng nasabing resort.
Sa isinagawang imbestigasyon ng scene of the crime operatives (SOCO), ang biktima ay nagpakamatay sa pamamagitan ng pagbukas sa manhole sa kisame ng kanyang kwarto sa Room 214 at saka ito nagbigte sa pamamagitan ng pagamit ng bag strap.
Batay sa pahayag ng manager ng resort na si Sameera Muramudali inaantay na mag-duty ganap na alas-8 ng umaga ang biktima subalit hindi ito makita, maging ang cellphone ay tinatawan at hindi nito sinasagot.
Sinikap ni Muramudali na kumatok sa kwarto ng biktima, subalit walang sumasagot kung kaya nagpasya itong
buksan sa pamamagitan ng master card at doon nakita ang biktima na nakabitin. Nabatid pa sa ulat na walang alam na personal problem ang biktima kung bakit nagawa nito ang pagpapatiwakal.
Wala namang nakitang “foul play” ang SOCO sa bangkay ng biktima maging ang kwarto nito ay hindi nakitaan ng force of entry at intact ang lahat ng personal belongings ng biktima. Malaking palaisipan naman sa mga Sri Lankan nationals dito kung bakit nagawang magpatiwakal ng biktima.
