CLARK INTERNATIONAL AIRPORT – Kabuuang 14 na international at domestic flights dito ang maapektuhan ng airspace shutdown sa May 17 dahil sa scheduled corrective maintenance ng Civil Aviation Authority of the Philippines para sa Air Traffic Management System ng bansa.
Ayon kay Teri Flores, LIPAD corporate communications division chief, pitong international arrival flights at apat na departure flights habang isang domestic arrival at dalawang domestic departure flights ang maapektuhan sa loob ng anim na oras ng nakatakdang airspace shutdown.
Ang mga flights na apektado ay
Philippine Airlines: Incheon-Clark-Incheon
Jin Air: Incheon-Clark-Incheon
Fly Gangwon: Yangyang-Clark-Yangyang
Jeju Air: Incheon-Clark-Incheon
Cebu Pacific: Hongkong-Clark-Hongkong
Cebu Pacific: Clark-General Santos
Cebu Pacific: Davao-Clark
Cebu Pacific: Taipei-Clark
Cebu Pacific: Bangkok-Clark-Bangkok
Gayunpaman, ani Flores, ay wala namang magaganap na cancelation ng nasabing mga flights kaya’t nagkaroon na sila ng coordination sa mga airline company para sa pag-aadjust ng mga oras ng paglapag at paglipad sa CRK.
