Misan a mig-tour ya king bansang Espanya
i Erap a meging Pamuntuk kanita,
Kaibat nang mig- ‘sightseeing’ niti linub ya
king meto’ restoran nung nu’ mangan sana.
Alak ing minuna nang inorder niti
ban mikagana yang mangan yamung dili;
At kabang inuman ne laman ing boti,
ing metung a weyter apansinan ne’yti
King ume nang i-serve ulam a order na
ning atyu mu lele ning keyang lamesa,
A nu’ keng lawe na maniaman a lasa
at ing bau niti binang makayama.
“What is that you just served?,” at nganing pakibat
ning kitnan, “Ah, senior it’s the best dish we have!
(Kapampanganan ke) “Den ila ring bayag
ning Toru’ng mete keng ‘bullfight’ nanding abak!
Waman iti e na pa bitasang tikman,
minorder ya, oneng nga’ning weyter a yan
“Metung yang Toru ing mamate keng laban
uling misan mu balang abak gagawan”.
At ngana “Senior, if you can able to come
earlier tomorrow and place you order it now,
For sure we can serve you a similar bull’s ball
to satisfy your taste more than you had before”.
Kabukasan nita migbalik ya’y Erap
at ing order na yang kaya pin miyapag;
Kaybat nang kininis, karin na ayalak,
ding binye ra mas malati lang e palak
Karing ikit niti napun king restoran,
nung inya ing weyter inaus neng dapal;
“These are much smaller than I saw yesterday!”
“It’s because the bull, Sir is the winner today!!!
Tabalu mu pin nung asakyan nang Erap
Ing e la “bull’s ball” ding kaya ra inapag,
Nung ali, matibe ya dungus e palak
King Asu nung iti e mangapatilak.
Iti, ngaku na pin biro o ‘joke’ mupin
A bulalag inyang i Erap parating
Laman na ning pikatulan keni’t karin
A e na kakamua at dirinan pansin.
At e uli niti ksasakit nang lub
Ing kakambal niting sikat a ‘Erap joke,’
Uling likas kaya ing kababan a lub,
Yan e na ikamua kenu mang karungut.
Ya pamu kumpara karing ninu pa man
A meging Pamuntuk ning bansang beitan,
I Joseph Estrada ‘Idol’ e ring dakal
At angga na ngeni ya e re kelinguan.
At ya pa murin ing pekatanyag dili
Karas king anti yan a makapakaili
I Erap kenu pa mang meging presidenti,
Karas king anti kanyan e ya mitauli!
