Nabibigyan ng malisya ang friendship nina Kris Aquino at Daniel Matsunaga. Madalas nga ay sinasama ni Kris si Daniel sa mga out of town coverage ng KrisTV.
Mabait daw si Kris sa kanya simula mag-guest siya sa naturang programa. “Talagang I’ll never forget. I will never forget such a great opportunity na binigay niya sa akin and I’m very thankful to Kris, you know. I have all the respect to Kris and the entire family, you know, I’m really, really thankful,” deklara ni Daniel na bagong commercial model ng San Marino Tuna Flakes.
Pero ang sabi ng hunk actor, Si God na raw ang bahala kung kailan darating ang tamang babae sa kanya. Likas na mabait si Daniel dahil wala rin siyang bitterness sa ex-girlfriend na si Heart Evangelista. Kung bibigyan daw siya ng imbitasyon, dadalo siya sa kasal nito with Senator Chiz Escudero.
Open din si Daniel na sana ay Pilipina ang mapangasawa niya. Iba raw kasi ang ugali ng ng Pinay. Makapamilya, mabait, maganda, maka-Diyos, malambing at matalino. Nanatili pa rin ang pusong Pinoy ni Daniel.
Dahil sa angking kakisigan at kaguwapuhan, maraming Pinay ang nagpapatansya kay Daniel dahil sa TVC niya sa San Marino Tuna Flakes. Makikita kasi si Daniel sa iba’t ibang extreme outdoor activities. Hilig daw niya ang ganitong sports activities kaya na-enjoy niya na gawin ang ganitong commercial.
Malaking factor kay Daniel na kinuha siyang endorser dahil sa ipinakita niyang kabaitan sa loob ng PBB house na kahit hindi siya Pilipino, naging isang mabuting example sa mga Pinoy.
“Yung totong Daniel kasi, 119 days sa loob ng bahay. There’s no way you can face such a thing.
Talagang you’re living there. Sometimes you don’t even get to pansin the camera kasi parang sanay na sa camera.
Every corner, may camera, every corner, may mirror. Talagang hindi namin alam kung may camera sa loob or wala or which will be shown in public. And when I left PBB house, the more I realize how I should value my time. My time for family and how I should value my friends,” bulalas pa niya.
