BALIK ABS-CBN si Valerie Concepcion dahil kasalukuyan siyang napapanood sa seryeng Annaliza na pinagbibidahan ni Andrea Brillantes kasama sina Zanjoe Marudo, Patrick Garcia, Kaye Abad, Denise Laurel atbp.
Bago ito ay napanood si Val sa GMA-7 sa Anna Karenina at ngayong tapos na ito, nakakatuwa namang sa ABSCBN naman siya nagkaroon ng project. Walang kontrata si Val sa kahit anong network ngayon kaya nagagawa niya ang magpalipat-lipat basta’t maayos lang ang pagpapaalam. Bago niya tinanggap ang Annaliza ay nagpaalam siya sa GMA-7 at pinayagan naman siya.
Last Saturday ay napanood din si Valerie sa Maalaala Mo Kaya kasama naman si Xyriel Manabat. Sa Dec. 28 naman ay mapapanood siya sa Vampire Ang Daddy Ko sa GMA-7 as guest. Kaya naman masasabing she’s having best of both worlds now.
Hanggang January mapapanood si Valerie sa Annaliza at natutuwa ang aktres dahil maganda ang December niya since may raket nga siyang regular.
