NILINAW NI Kris Aquino ang bintang sa kanya ng mga fans ni Kim Chiu that she’s playing favorite dahil sa paggi-guest niya kay Bea Alonzo sa Kris TV para mag-promote ng She’s The One.
“Doon sa mga fans na gumagawa ng intriga ha, don’t be intrigero. May mga fans na gumagawa ng intriga na hindi ko sinamahan si Kimmy, I did,” unang pagkaklaro ni Kris sa kanyang morning show na Kris TV.
Binanggit nga raw niya kay Kim ang tungkol dito at say nga raw sa kanya ni Kim, “nanood ka with me (ng Bakit Hindi Ka Crush Ng Crush Mo na pelikula ni Kim and Xian Lim), tapos ’di ba, nandoon din silang lahat, buong staff (ng Kris TV).”
“Sabi ko, ‘Kimmy, sabihan mo sila (Kim’s fans), nahurt talaga ako.’ Kaya sabi ko, sana, they’re not like that to make intriga kasi puwede naman talaga to love everybody,” say pa ni Kris. Huwag daw i-compare sina Kim and Bea at hindi raw porke’t nag-guest si Bea sa Kris TV ay ang aktres lang ang love niya.
“Kapag puro si Bea ang nakikita niyo (sa KrisTV) it doesn’t mean na si Bea lang ang love. It just so happens na siya lang ang nagbigay ng oras ngayon and right after this, si Kimmy naman ang kasama ko, so parang I mean, halatang-halata n’yo naman kung sino ang mga favorite ko. Hindi ko naman itinatago ’yun, ’di ba? It’s obvious.
So, sana, walang ganu’ng intriga,” say ng Queen of All Media. Idinagdag pa ni Kris na hindi dapat intrigahin ang pagpu-promote ni Bea sa Kris TV. “Hello good-luck charm ang KrisTV. Lahat ng nagsumikap na mag-promote dito ay over a hundred million lahat (ang kinita sa box-offi ce), so alam n’yo na,” natatawang say ni Kris habang pati si Bea na guest din that day ay natatatawa rin.
Say pa ng TV host, huwag daw pag-awayin ang dalawang young actress to which, say ni Bea, “oo nga.”
Siyempre, habang nagsasalita si Kris, panay lang ang ngiti ni Bea at hindi naman nagku-comment para hindi na rin humaba siguro or hindi siya mamisinterpret ng mga fans. As we all know, medyo galit nga kasi ang mga fans ni Kim kay Bea dahil remember na nagkaroon dati ng affair ang young actress kay Gerald Anderson? So, ’yun na.
