Hindi si Louise delos Reyes, kundi ang kasama sa Kakambal ni Eliana na si Kim Rodriguez ang special guest ni Enzo Pineda nang mag-celebrate ng 23rd birthday last Sunday kasama ang 100 selected students ng Alabang Elementary School.
Sinamahan din si Enzo ng mga kaibigang sina Steven Silva at Julian Trono at present din ang ina nitong si Macy Pineda.
Sinamahan ng tatlo si Enzo na nag-distribute ng gifts at food sa mga bata na tuwang-tuwang makita siya. Birthday wish ni Enzo ay “more projects at more blessings para mas makapag-share pa ako ng blessings sa ibang tao.”
Wish granted ’yung “more projects” na sinabi nito dahil after Kakambal ni Eliana, kasama siya sa cast ng Dormitoryo. Hindi pa lang namin alam kung sino kina Julie Anne San Jose at Lauren Young ang makakapareha niya.
Naguluhan lang kami dahil in an earlier interview, nang tanungin si Louise kung totoong nagkabalikan na sila ni Enzo, kinilig ito, pero hindi sumagot at ang aktor na lang daw ang tanungin.
Akala ng press, sila na uli, pero nang tanungin si Enzo, walang balikan daw na nangyari at focus siya ngayon sa career niya.
